ઇસ્લામાબાદ, નવી દિલ્હી, 25 ફેબ્રુઆરી (હિ.સ.). પાકિસ્તાનના ખૈબર પખ્તુનખ્વા પ્રાંતના કોહાટ જિલ્લામાં શંકાસ્પદ આતંકવાદીઓએ પોલીસ વાન પર ગોળીબાર કર્યો. આ હુમલામાં લાચી તહસીલના ડેપ્યુટી સુપરિન્ટેન્ડેન્ટ ઓફ પોલીસ (ડીએસપી) અસદ મહમૂદ સહિત ત્રણ પોલીસકર્મીઓ માર્યા ગયા. અન્ય ચાર ઘાયલ થયા.

પાકિસ્તાન રેડિયો અનુસાર, આ ઘટના 24 ફેબ્રુઆરીએ કોહાટ જિલ્લાના શકરદરા વિસ્તારમાં બની હતી. કોહાટ પોલીસના જણાવ્યા અનુસાર, ઘાયલોને કોહાટ જિલ્લા હોસ્પિટલમાં ખસેડવામાં આવ્યા હતા. પોલીસે આતંકવાદીઓને પકડવા માટે વિસ્તારમાં સર્ચ ઓપરેશન શરૂ કર્યું છે.

રાષ્ટ્રપતિ આસિફ અલી ઝરદારીએ આ ઘટનાની સખત નિંદા કરી. તેમણે ડીએસપી અસદ મહમૂદ અને શહીદ થયેલા અન્ય અધિકારીઓને શ્રદ્ધાંજલિ આપી. ઝરદારીએ શહીદ અધિકારીઓના પરિવારો પ્રત્યે સંવેદના વ્યક્ત કરી. વડા પ્રધાન શાહબાઝ શરીફે પણ આતંકવાદી હુમલાની સખત નિંદા કરી. ખૈબર પખ્તુનખ્વાના રાજ્યપાલ ફૈઝલ કરીમ કુંડી અને મુખ્યમંત્રી મોહમ્મદ સોહેલ આફ્રિદીએ, કોહાટમાં પોલીસ પર થયેલા હુમલાની સખત નિંદા કરી છે.

હિન્દુસ્થાન સમાચાર / મુકુંદ

હિન્દુસ્થાન સમાચાર / ડો.હિતેશ એન.વ્યાસ