અમદાવાદ, નવી દિલ્હી, 28 ફેબ્રુઆરી

(હિ.સ.) ગુજરાતની તેમની મુલાકાત દરમિયાન, પ્રધાનમંત્રી નરેન્દ્ર મોદીએ ભારતને, વૈશ્વિક સેમિકન્ડક્ટર

હબ બનાવવા માટે પહેલ કરી. શનિવારે, પ્રધાનમંત્રીએ માઈક્રોન ટેકનોલોજીના અત્યાધુનિક એટીએમપીપ્લાન્ટનું

ઉદ્ઘાટન કર્યું. આ પ્લાન્ટના ઉદઘાટન સાથે, દેશની પ્રથમ 'મેડ ઇન ઇન્ડિયા' ચિપ ગુજરાતમાં ઉત્પન્ન થશે.

પ્રધાનમંત્રી નરેન્દ્ર મોદીએ આજે સાણંદના જીઆઇડીસીમાં રોડ

શો યોજ્યા બાદ માઈક્રોન ટેકનોલોજીના અત્યાધુનિક એટીએમપી પ્લાન્ટનું

ઉદ્ઘાટન કર્યું. માઈક્રોન સેમિકન્ડક્ટર ટેકનોલોજી ઈન્ડિયા પ્રાઈવેટ લિમિટેડે આ

પ્રોજેક્ટમાં આશરે ₹22,516 કરોડનું રોકાણ

કર્યું છે. આ પ્લાન્ટ એસએસડી અને ડીઆરડીએમ અને એનએએનડી મેમરી ઉત્પાદનો જેવા, સ્ટોરેજ

ઉપકરણોનું ઉત્પાદન કરશે. હાલમાં, અહીં આશરે 2,000 લોકો કાર્યરત છે, જે ભવિષ્યમાં 5,000 સુધી વધવાની અપેક્ષા છે. નોંધપાત્ર રીતે, આ પ્રોજેક્ટ

વિકલાંગ લોકો માટે રોજગારની તકો પણ પૂરી પાડે છે.

માઈક્રોનના સીઈઓ સંજય મેહરોત્રાના જણાવ્યા મુજબ, “કૃત્રિમ

બુદ્ધિમત્તાના યુગમાં, અદ્યતન મેમરી અને

સ્ટોરેજની માંગ ઝડપથી વધી રહી છે. સાણંદમાં ઉત્પાદિત આ ચિપ્સ એઆઇટેકનોલોજીની

વૈશ્વિક જરૂરિયાતોને પૂર્ણ કરવામાં મહત્વપૂર્ણ ભૂમિકા ભજવશે.”

હિન્દુસ્થાન સમાચાર

હિન્દુસ્થાન સમાચાર / ડો.હિતેશ એન.વ્યાસ