નવી દિલ્હી, 10 માર્ચ (હિ.સ.). ટાટાની આગેવાની હેઠળની એર ઇન્ડિયા એરલાઇન્સ અને એર ઇન્ડિયા એક્સપ્રેસ, મંગળવારે પશ્ચિમ એશિયાના શહેરોમાં કુલ 60 ફ્લાઇટ્સનું સંચાલન કરશે, જેમાં સંયુક્ત આરબ અમીરાત માટે 32 ફ્લાઇટ્સનો સમાવેશ થાય છે.

એક્સ પોસ્ટ પર જાહેર કરાયેલા એક નિવેદનમાં એર ઇન્ડિયાએ જણાવ્યું હતું કે, એર ઇન્ડિયા અને એર ઇન્ડિયા એક્સપ્રેસ આજે જેદ્દાહ આવવા-જવા સંયુક્ત રીતે 14 ફ્લાઇટ્સનું સંચાલન કરશે, જ્યારે એર ઇન્ડિયા એક્સપ્રેસ મસ્કત આવવા-જવા માટે 14 ફ્લાઇટ્સનું સંચાલન કરશે. આનાથી બંને એરલાઇન્સ દ્વારા સંચાલિત ફ્લાઇટ્સની કુલ સંખ્યા 28 થઈ ગઈ છે.

સોમવારે જારી કરાયેલા અગાઉના નિવેદનમાં કહેવામાં આવ્યું હતું કે, નિર્ધારિત સેવાઓ ઉપરાંત, એર ઇન્ડિયા અને એર ઇન્ડિયા એક્સપ્રેસ 10 માર્ચે ભારતીય શહેરો અને સંયુક્ત આરબ અમીરાત (યુએઈ) વચ્ચે કુલ 32 ફ્લાઇટ્સનું સંચાલન કરશે. આ 32 ફ્લાઇટ્સ વિવિધ ભારતીય શહેરોમાંથી દુબઈ, અબુ ધાબી, શારજાહ અને રાસ અલ ખૈમાહ માટે અને ત્યાંથી હશે. એર ઇન્ડિયાએ જણાવ્યું હતું કે, તે પશ્ચિમ એશિયામાં વિકાસ પર નજીકથી નજર રાખી રહી છે અને પરિસ્થિતિ બદલાતા વધુ અપડેટ્સ પ્રદાન કરશે.

હિન્દુસ્થાન સમાચાર/પ્રજેશ શંકર/મુકુંદ

હિન્દુસ્થાન સમાચાર / ડો.હિતેશ એન.વ્યાસ