કટની, નવી દિલ્હી, 10 માર્ચ (હિ.સ.). મધ્યપ્રદેશના કટની જિલ્લાના બડવારા પોલીસ સ્ટેશન વિસ્તારમાં સોમવારે મોડી રાત્રે થયેલા રોડ અકસ્માતમાં ચાર યુવાનોના મોત થયા છે. રાષ્ટ્રીય ધોરીમાર્ગ 43 પર જગતપુર ઉમરિયા નજીક એક ઝડપી કાર અને મોટરસાઇકલ વચ્ચે સામસામે ટક્કર એટલી ગંભીર હતી કે, મોટર સાયકલ પર સવાર ચારેય યુવાનોના ઘટનાસ્થળે જ મોત થયા હતા. કારમાં સવાર બે લોકો ગંભીર રીતે ઘાયલ થયા હતા.

સોમવારે રાત્રે 12:00 વાગ્યે છાપણી વળાંક પાસે આ અકસ્માત થયો હતો. ચારેય યુવાનો કટનીથી ઉમરિયા જઈ રહ્યા હતા ત્યારે ઉમરિયા તરફથી આવતી એક ઝડપી કાર સાથે સામસામે ટકરાયા હતા. ટક્કર એટલી ગંભીર હતી કે, મોટરસાઇકલ સંપૂર્ણપણે ક્ષતિગ્રસ્ત થઈ ગઈ હતી અને ચારેય યુવાનો રસ્તા પર પટકાઈ ગયા હતા. અકસ્માતનો જોરદાર અવાજ સાંભળીને, નજીકના ગ્રામજનો અને રાહદારીઓ ઘટનાસ્થળે દોડી આવ્યા હતા. ઘટના બાદ રાષ્ટ્રીય ધોરીમાર્ગ 43 પર ટ્રાફિક પણ થોડા સમય માટે ખોરવાઈ ગયો હતો. માહિતી મળતાં જ, બડવારા પોલીસ સ્ટેશન અને 108 એમ્બ્યુલન્સ તાત્કાલિક ઘટનાસ્થળે પહોંચી ગઈ હતી. કારમાં બે લોકો ઘાયલ થયા હતા. સ્થાનિક લોકોની મદદથી, પોલીસે તમામ ઘાયલો અને મૃતકોને બડવારા સામુદાયિક આરોગ્ય કેન્દ્રમાં લઈ ગયા. ડોક્ટરોએ બાઇક પર સવાર ચાર યુવાનોને મૃત જાહેર કર્યા. કારમાં બે લોકો ગંભીર રીતે ઘાયલ હોવાનું કહેવાય છે.

પ્રાથમિક સારવાર બાદ, તેમને વધુ સારી સારવાર માટે જિલ્લા હોસ્પિટલમાં રિફર કરવામાં આવ્યા છે. પોલીસ મૃતકોની ઓળખ કરવાનો પ્રયાસ કરી રહી છે. પોલીસના જણાવ્યા અનુસાર, મૃતકોની ઉંમર 20 થી 30 વર્ષની વચ્ચે હોવાનો અંદાજ છે. મોડી રાત સુધી તેમની ઓળખ થઈ શકી ન હતી. મૃતદેહોને શબઘરમાં રાખવામાં આવ્યા છે, અને તેમની પાસેથી મળેલા સામાન અને બાઇક નંબરના આધારે તેમની ઓળખ કરવાનો પ્રયાસ કરવામાં આવી રહ્યો છે. પોલીસે કેસ નોંધીને અકસ્માતના કારણની તપાસ શરૂ કરી છે.

હિન્દુસ્થાન સમાચાર / નેહા પાંડે / ડૉ. મયંક ચતુર્વેદી / મુકુન્દ

હિન્દુસ્થાન સમાચાર / ડો.હિતેશ એન.વ્યાસ