કોલકતા, નવી દિલ્હી, 12 માર્ચ (હિ.સ.): પશ્ચિમ બંગાળના નવનિયુક્ત રાજ્યપાલ આરએન રવિએ, ગુરુવારે અહીં લોકભવન ખાતે પદ અને ગુપ્તતાના શપથ લીધા. તેમને કોલકાતા હાઇકોર્ટના મુખ્ય ન્યાયાધીશ, સુજય પાલ દ્વારા શપથ લેવડાવ્યા હતા. શપથ ગ્રહણ સમારોહમાં મુખ્યમંત્રી મમતા બેનર્જી, મુખ્ય સચિવ નંદિની ચક્રવર્તી, વિધાનસભા અધ્યક્ષ બિમન બેનર્જી અને ડાબેરી મોરચાના અધ્યક્ષ બિમન બોઝ સહિત અનેક મહાનુભાવો હાજર રહ્યા હતા. શપથ ગ્રહણ સમારોહ સવારે 11:30 વાગ્યે નિર્ધારિત સમયે શરૂ થયો હતો. શપથ ગ્રહણ સમારોહ પહેલા અને પછી રાષ્ટ્રગીત, વંદે માતરમ અને રાષ્ટ્રગીત, જન ગણ મન ગાવામાં આવ્યું હતું. શપથ ગ્રહણ કર્યા પછી, રાજ્યપાલે મુખ્યમંત્રી અને અન્ય મહેમાનો સાથે ઔપચારિક મુલાકાત કરી હતી.

ઉલ્લેખનીય છે કે, તત્કાલીન રાજ્યપાલ સીવી આનંદ બોઝના રાજીનામા બાદ, આરએન રવિને પશ્ચિમ બંગાળના રાજ્યપાલ તરીકે નિયુક્ત કરવામાં આવ્યા છે. તેઓ અગાઉ તમિલનાડુના રાજ્યપાલ તરીકે સેવા આપી ચૂક્યા હતા અને બુધવારે કોલકાતા પહોંચ્યા હતા. તમિલનાડુના રાજ્યપાલ તરીકેના કાર્યકાળ દરમિયાન, તેમને રાજ્ય સરકાર સાથે અનેક મુદ્દાઓ પર મતભેદોનો સામનો કરવો પડ્યો હતો. રાજ્ય સરકાર અને રાજભવન વચ્ચે વિવિધ બિલોને લઈને સંઘર્ષની સ્થિતિ ઊભી થઈ હતી. મુખ્યમંત્રી મમતા બેનર્જીએ, ભૂતપૂર્વ રાજ્યપાલ આનંદ બોઝના અચાનક રાજીનામા અંગે પ્રશ્નો ઉઠાવતા કહ્યું હતું કે, તેમને રાજીનામાના કારણોની જાણ નથી, પરંતુ વિધાનસભા ચૂંટણી પહેલાના સંજોગોને ધ્યાનમાં લેતા, આ ઘટના ઘણા પ્રશ્નો ઉભા કરે છે.

હિન્દુસ્થાન સમાચાર / ઓમ પરાશર / પવન કુમાર

હિન્દુસ્થાન સમાચાર / માધવી વ્યાસ