નવી દિલ્હી/દુબઈ, 17 માર્ચ (હિ.સ.): પશ્ચિમ એશિયામાં વધતા જતા સંઘર્ષ વચ્ચે, સંયુક્ત આરબ અમીરાત (યુએઈ) એ, મંગળવારે થોડા સમય માટે બંધ કર્યા પછી તેનું હવાઈ ક્ષેત્ર ફરીથી ખોલ્યું. દુબઈ એરપોર્ટ પર લાદવામાં આવેલા પ્રતિબંધો હટાવી લેવામાં આવ્યા છે, જેનાથી તેને કામગીરી માટે ફરીથી ખોલવામાં આવ્યું છે.
રાજ્ય સંચાલિત સમાચાર એજન્સી ડબ્લ્યુએએમ એ, યુએઈ નાગરિક ઉડ્ડયન સત્તામંડળને ટાંકીને અહેવાલ આપ્યો છે કે, થોડા સમય પછી પ્રતિબંધો હટાવી લેવામાં આવ્યા હતા. અધિકારીઓએ જણાવ્યું હતું કે, પરિસ્થિતિ સ્થિર થઈ ગઈ છે, જેનાથી ફ્લાઇટ્સ ફરી શરૂ થઈ શકે છે.
નોંધનીય છે કે, સંયુક્ત આરબ અમીરાતનું સૈન્ય ઈરાનથી છોડવામાં આવી રહેલા ડ્રોન અને મિસાઇલોનો સામનો કરવાનો પ્રયાસ કરી રહ્યું છે. આ પ્રયાસો દરમિયાન, મંગળવારે વહેલી સવારે દુબઈમાં વિસ્ફોટો સંભળાયા હતા, જેના પછી હવાઈ ક્ષેત્ર થોડા સમય માટે બંધ કરવામાં આવ્યું હતું. આ પ્રતિબંધ ટૂંક સમયમાં હટાવી લેવામાં આવ્યો હતો.
હિન્દુસ્થાન સમાચાર / પ્રજેશ શંકર / સંજીવ પાશ
હિન્દુસ્થાન સમાચાર / ડો.હિતેશ એન.વ્યાસ
