નવી દિલ્હી, 23 માર્ચ (હિ.સ.). પ્રધાનમંત્રી નરેન્દ્ર મોદીએ, પ્રયાગરાજમાં કોલ્ડ સ્ટોરેજની છત તૂટી પડવા પર ઊંડો શોક વ્યક્ત કર્યો. તેમણે દુર્ઘટનામાં જીવ ગુમાવનારાઓના આશ્રિતો માટે 2 લાખ રૂપિયાની સહાયની જાહેરાત કરી.

પ્રધાનમંત્રીએ સોશિયલ મીડિયા પ્લેટફોર્મ પર પોસ્ટ કર્યું, ઉત્તર પ્રદેશના પ્રયાગરાજમાં એક ઇમારત તૂટી પડવાથી થયેલી દુર્ઘટનાથી હું ખૂબ જ દુઃખી છું. આ મુશ્કેલ સમયમાં મારી સંવેદનાઓ અસરગ્રસ્ત લોકો અને તેમના પરિવારો સાથે છે. હું ઘાયલોના ઝડપથી સ્વસ્થ થવા માટે પ્રાર્થના કરું છું.

તેમણે ઉમેર્યું, પ્રધાનમંત્રી રાષ્ટ્રીય રાહત ભંડોળમાંથી દરેક મૃતકના નજીકના સંબંધીઓને 2 લાખ રૂપિયાની સહાય આપવામાં આવશે. આ દુર્ઘટનામાં ઘાયલ થયેલા લોકોને 50,000 રૂપિયા મળશે.

હિન્દુસ્થાન સમાચાર / સુશીલ કુમાર / પવન કુમાર

હિન્દુસ્થાન સમાચાર / માધવી વ્યાસ