નવી દિલ્હી, 26 માર્ચ (હિ.સ.). દેશભરમાં રેલવે ટ્રેક ક્રોસ કરતી વખતે થતા અકસ્માતો અટકાવવા માટે, રેલવે હવે મિશન મોડમાં કામ કરશે. રેલવે મંત્રી અશ્વિની વૈષ્ણવે, ગુરુવારે નવી દિલ્હીમાં અધિકારીઓ સાથે એક વર્કશોપ યોજી હતી અને વ્યાપક સૂચનાઓ જારી કરી હતી.

રેલવે મંત્રીએ જણાવ્યું હતું કે, જ્યાં રેલવે ટ્રેકની એક બાજુ વસાહતો અને બીજી બાજુ ખેતરો, શાળાઓ, સ્મશાનગૃહો અથવા અન્ય મહત્વપૂર્ણ સ્થળો છે, ત્યાં જનતાની સુવિધા માટે ખાસ રેલવે પુલ (સબવે) બનાવવામાં આવશે. આ પુલનો હેતુ જનતા માટે સલામત અને સરળ પરિવહન પૂરું પાડવાનો છે.

વૈષ્ણવે અધિકારીઓને પુલ ડિઝાઇન કરવા સૂચના આપી હતી, જેથી લોકો ખચકાટ વિના તેનો ઉપયોગ કરી શકે. તે એવી રીતે બનાવવામાં આવશે કે લોકો સાયકલ, મોટરસાયકલ અને અન્ય આવશ્યક વસ્તુઓ સાથે સરળતાથી ફરી શકે. આ પહેલ દેશની મોટી વસ્તી માટે જીવનરક્ષક સાબિત થશે.

રેલવેની યોજના મુજબ, પુલ નું માળખું પ્રી-ફેબ્રિકેટ કરવામાં આવશે અને પછી તેને સ્થળ પર લાવવામાં આવશે અને ઇન્સ્ટોલ કરવામાં આવશે. ઇન્સ્ટોલેશન દરમિયાન, રેલ્વે ટ્રેકને બ્લોક કરવામાં આવશે, જેમાં ટ્રેક કાપીને, પુલ ઇન્સ્ટોલ કરવામાં આવશે અને ફક્ત 12 કલાકમાં ઉપયોગ માટે ખોલવામાં આવશે.

રેલવે મંત્રીએ એવો પણ નિર્દેશ આપ્યો હતો કે, કલ્વર્ટ પાણી ભરાવા જેવી સમસ્યાઓને રોકવા અને લાંબા ગાળાની અસરકારકતા સુનિશ્ચિત કરવા માટે ડિઝાઇન કરવામાં આવે. તેમણે અધિકારીઓને આગામી 5-6 વર્ષમાં આ સમસ્યાનો કાયમી ઉકેલ સુનિશ્ચિત કરવા નિર્દેશ આપ્યો.

આ નિર્ણય રેલવે અધિકારીઓ સાથે ઘણા દિવસોની પરામર્શનું પરિણામ છે. રેલવે મંત્રાલય માને છે કે, ફક્ત સંવેદનશીલ અને વ્યવહારુ ઉકેલો જ સામાન્ય લોકોની સમસ્યાઓનો લાંબા ગાળાનો ઉકેલ આપી શકે છે.

હિન્દુસ્થાન સમાચાર / સુશીલ કુમાર / પવન કુમાર

હિન્દુસ્થાન સમાચાર / માધવી વ્યાસ