નવી દિલ્હી, 17 એપ્રિલ (હિ.સ.) વૈશ્વિક બજારમાંથી આજે મિશ્ર સંકેતો મળી રહ્યા છે. અમેરિકન બજારમાં પાછલા સત્ર દરમિયાન મર્યાદિત દાયરામાં સતત ખરીદી જોવા મળી હતી. ડાઉ જોન્સ ફ્યુચર્સ પણ આજે વધારા સાથે કારોબાર કરી રહ્યો છે. યુરોપિયન બજારો પાછલા સત્રના કારોબાર બાદ મિશ્ર પરિણામો સાથે બંધ થયા હતા. જ્યારે એશિયન બજારમાં આજે સામાન્ય રીતે વેચવાલીનું દબાણ જોવા મળી રહ્યું છે.

અમેરિકન બજારમાં પાછલા સત્ર દરમિયાન તેજીનું વલણ જળવાઈ રહ્યું હતું. એસ એન્ડ પી 500 ઈન્ડેક્સ 0.26 ટકાની મજબૂતી સાથે 7,041.28 અંકના સ્તરે બંધ થયો હતો. તેવી જ રીતે નેસ્ડેકે 0.36 ટકાની તેજી સાથે 24,102.70 અંકના સ્તરે પાછલા સત્રના કારોબારનો અંત કર્યો હતો. બીજી તરફ ડાઉ જોન્સ ફ્યુચર્સ આજે હાલમાં 0.10 ટકાના વધારા સાથે 48,625.27 અંકના સ્તરે કારોબાર કરતો જોવા મળી રહ્યો છે.

યુરોપિયન બજારમાં પાછલા સત્ર દરમિયાન મિશ્ર કારોબાર જોવા મળ્યો હતો. એફટીએસઈ ઈન્ડેક્સ 0.29 ટકા ઉછળીને 10,589.99 અંકના સ્તરે બંધ થયો હતો. તેવી જ રીતે ડીએએક્સ ઈન્ડેક્સે 0.36 ટકાનો ઉછાળો મારીને 24,154.47 અંકના સ્તરે પાછલા સત્રના કારોબારનો અંત કર્યો હતો. બીજી બાજુ સીએસી ઈન્ડેક્સ 0.14 ટકાની નરમાઈ સાથે 8,262.70 અંકના સ્તરે બંધ થયો હતો.

એશિયન બજારમાં આજે સામાન્ય રીતે વેચવાલીનું દબાણ જોવા મળી રહ્યું છે. એશિયાના નવ બજારોમાંથી સાતના સૂચકાંક ઘટાડા સાથે લાલ નિશાનમાં કારોબાર કરી રહ્યા છે, જ્યારે બે સૂચકાંક વધારા સાથે લીલા નિશાનમાં છે. ગિફ્ટ નિફ્ટી 0.11 ટકાની તેજી સાથે 24,217 અંકના સ્તરે કારોબાર કરી રહ્યો છે. તેવી જ રીતે જકાર્તા કમ્પોઝિટ ઈન્ડેક્સ 0.35 ટકાની મજબૂતી સાથે 7,647.89 અંકના સ્તરે પહોંચ્યો છે.

બીજી તરફ, સ્ટ્રેટ્સ ટાઈમ્સ ઈન્ડેક્સ 0.26 ટકાની નરમાઈ સાથે 4,994.75 અંકના સ્તરે કારોબાર કરી રહ્યો છે. તેવી જ રીતે શાંઘાઈ કમ્પોઝિટ ઈન્ડેક્સ 0.30 ટકા ઘટીને 4,043.45 અંકના સ્તરે આવી ગયો છે. હેંગસેંગ ઈન્ડેક્સમાં આજે મોટો ઘટાડો જોવા મળી રહ્યો છે. હાલમાં આ સૂચકાંક 309.26 અંક એટલે કે 1.19 ટકા ગગડીને 26,085 અંકના સ્તરે કારોબાર કરી રહ્યો છે.

તેવી જ રીતે સેટ કમ્પોઝિટ ઈન્ડેક્સ 1.07 ટકા ગગડીને 1,473.92 અંકના સ્તરે પહોંચ્યો છે. આ ઉપરાંત નિક્કી ઈન્ડેક્સ 525.34 અંક એટલે કે 0.89 ટકા ઘટીને 58,993 અંકના સ્તરે, કોસ્પી ઈન્ડેક્સ 0.71 ટકાની નરમાઈ સાથે 6,181.90 અંકના સ્તરે અને તાઈવાન વેઈટેડ ઈન્ડેક્સ 241.71 અંક એટલે કે 0.66 ટકા ગગડીને 36,890.31 અંકના સ્તરે કારોબાર કરી રહ્યા છે.

હિન્દુસ્થાન સમાચાર / યોગિતા પાઠક / મુકુંદ

હિન્દુસ્થાન સમાચાર / ડો.હિતેશ એન.વ્યાસ