નવી દિલ્હી, 17 એપ્રિલ (હિ.સ.) પ્રધાનમંત્રી નરેન્દ્ર મોદીએ આજે ફરી એકવાર દેશની માતાઓ, બહેનો અને દીકરીઓને યાદ કરીને તેમના આશીર્વાદ વરસાવવાની પ્રાર્થના કરી. પ્રધાનમંત્રીએ એક્સ પર શેર કરેલા સુભાષિતમમાં કહ્યું, આપણી નારી શક્તિ એક સશક્ત ભારતની ઓળખ છે. આજે દેશની માતાઓ, બહેનો અને દીકરીઓ પોતાના અટલ સંકલ્પ, નિષ્ઠા અને સેવા-ભાવથી દરેક ક્ષેત્રમાં ભારતવર્ષનું ગૌરવ વધારી રહી છે.

તેમણે શ્રી દુર્ગા સપ્તશતીના ચોથા અધ્યાય (શાકંભરી સ્તુતિ) ના શ્લોક, દેવ્યા યયા તતમિદં જગદાત્મશક્ત્યા નિઃશેષદેવગણશક્તિ સમૂહમૂર્ત્યા। તામમ્બિકામખિલદેવમહર્ષિપૂજ્યાં ભક્ત્યા નતાઃ સ્મ વિદધાતુ શુભાનિ સા નઃ॥ નો ઉલ્લેખ કરતા કહ્યું કે, તેમણે પોતાની જ શક્તિથી આ બ્રહ્માંડની રચના કરી છે. તેઓ સમસ્ત દેવતાઓની શક્તિઓના સામૂહિક સ્વરૂપ તરીકે અવતર્યા છે.

પ્રધાનમંત્રી મોદીએ લખ્યું, માતાની આરાધના તમામ દેવતાઓ અને મહાન ઋષિઓ સમાન રીતે કરે છે અને તેમની સમક્ષ અમે શ્રદ્ધાપૂર્વક નમન કરીએ છીએ. તે દેવી આપણા પર પોતાના મંગળ આશીર્વાદ વરસાવે.

ઉલ્લેખનીય છે કે, આ શ્લોક દેવીના સર્વવ્યાપી, શક્તિ સ્વરૂપા રૂપની સ્તુતિ કરે છે. આ સ્તુતિથી જ્ઞાન, બળ અને શક્તિ પ્રાપ્ત થાય છે.

હિન્દુસ્થાન સમાચાર / મુકુંદ

હિન્દુસ્થાન સમાચાર / માધવી વ્યાસ