નવી દિલ્હી, 07 એપ્રિલ (હિ.સ.) પશ્ચિમ એશિયાના સંકટ વચ્ચે ભારતીય રિઝર્વ

બેંક (આરબીઆઈ) ની નાણાકીય નીતિ

સમિતિ (એમપીસી) તેની ત્રણ દિવસીય

સમીક્ષા બેઠકના બીજા દિવસે પણ ચાલુ રહી છે. આ બેઠક સોમવારથી શરૂ થઈ હતી. બુધવારે

સવારે 10 વાગ્યે રિઝર્વ

બેંકના ગવર્નર સંજય મલ્હોત્રા દ્વારા આ બેઠકની જાહેરાત કરવામાં આવશે.

આરબીઆઈએ મંગળવારે એક્સ-પોસ્ટ પર પ્રકાશિત એક નિવેદનમાં જણાવ્યું હતું કે,” નાણાકીય

નીતિની જાહેરાત 8 એપ્રિલ, 2026 ના રોજ થવાની

છે.” કેન્દ્રીય બેંકે ઉમેર્યું હતું કે,” ગવર્નર સંજય મલ્હોત્રા બુધવારે સવારે 10 વાગ્યે બેઠકના

પરિણામો જાહેર કરશે.”

આરબીઆઈના ગવર્નર સંજય મલ્હોત્રાની અધ્યક્ષતામાં આ બેઠક મુશ્કેલ

સમયે થઈ રહી છે, કારણ કે વૈશ્વિક

તણાવ અને તેલના વધતા ભાવોએ કેન્દ્રીય બેંકના કાર્યને વધુ જટિલ બનાવ્યું છે. પશ્ચિમ

એશિયાના સંકટ વચ્ચે આરબીઆઈની વર્તમાન નાણાકીય વર્ષ 2026-27 માટે પ્રથમ ત્રણ દિવસીય સમીક્ષા બેઠક ચાલી રહી

છે. આ સમીક્ષા બેઠક 8 એપ્રિલ સુધી

ચાલુ રહેશે. અર્થશાસ્ત્રીઓની અપેક્ષા છે કે રેપો રેટ 5.25% પર રહેશે.

અર્થશાસ્ત્રીઓ માને છે કે, વધતી જતી વૈશ્વિક અનિશ્ચિતતાઓ, ક્રૂડ ઓઇલના ઊંચા

ભાવ અને નાણાકીય દબાણ વચ્ચે આર્થિક દૃષ્ટિકોણનું મૂલ્યાંકન કરવા માટે કેન્દ્રીય

બેંક તેની નાણાકીય સમીક્ષા બેઠક દરમિયાન રેપો રેટ 5.25% પર યથાવત રાખશે. આ સમીક્ષા બેઠક નીતિગત વ્યાજ

દર (રેપો રેટ) અને ફુગાવો નક્કી કરશે.

રેપો રેટનો અર્થ-

રેપો રેટ એ વ્યાજ દર છે, જેના પર આરબીઆઈ બેંકોને ટૂંકા

ગાળાના નાણાં ઉછીના આપે છે. તે લોન, ઈએમઆઈ, બચત અને રોકાણોને સીધી અસર કરે છે. આ પહેલા, ફેબ્રુઆરી 2026 માં યોજાયેલી

પાછલા નાણાકીય વર્ષની છેલ્લી એમપીસી બેઠક દરમિયાન રેપો રેટ 5.25% પર યથાવત

રાખવામાં આવ્યો હતો. જોકે,

રિઝર્વ બેંકે

ફેબ્રુઆરી 2025 થી રેપો રેટમાં

કુલ 1.25% ઘટાડો કર્યો છે.

છેલ્લો ઘટાડો ડિસેમ્બર 2025 માં થયો હતો, જ્યારે રેપો રેટ 0.25% ઘટાડીને 5.25% કરવામાં આવ્યો

હતો.

હિન્દુસ્થાન સમાચાર/પ્રજેશ શંકર/મુકુંદ

હિન્દુસ્થાન સમાચાર / ડો.હિતેશ એન.વ્યાસ