ગીર સોમનાથ 02 મે (હિ.સ.) સ્વદેશી હાટ બજારમાં શોપિંગ માટેની બજાર ખડી કરાઈ છે જેમાં દેશ-વિદેશથી સોમનાથ આવતા યાત્રિકો અને પ્રવાસીઓ ત્યાં ખરીદી કરવા આવે તેવો આ પ્રોજેક્ટ ના ખુલ્લે મુક્યા માત્ર છ મહિના જ થયા છે અને સંપૂર્ણ નવું બાંધકામ કરાયું હોવા છતાં ભૂગર્ભ ગટરના ગંદા પાણી હાલનચાલનમાં નડે તે રીતે તેમજ એ ભૂગર્ભ ગટરના ઢાંકણાને વટાવી ગંદુ પાણી બધે રેલાય છે. જેથી આજુબાજુ નાસ્તો ભોજન કે ખરીદી કરવા આવતા લોકો તે સ્થળોની દુકાનો તરફ પણ બિલકુલ જોતા નથી લોકોમાં સવાલ એ ઉઠયો છે કે જ્યારે આ હાટ બજાર બનાવાઇ ત્યારે ભૂગર્ભ ગટરના નિકાસની વૈજ્ઞાનિક ટેકનિકલ પદ્ધતિ પણ જાણે અપનાવાઇ ન હોય તેવું લાગે છે સત્તાવાળાઓનું ધ્યાન દોર્યા બાદ 15 જેટલા ટ્રેક્ટરો આ ગંદુ પાણી ખેંચવા લગાવાયા છે પરંતુ કાયમી ઉકેલ કે કાયમી સફાઈ કરાતી ન હોય તેવું ભાસે છે અને સુપરવિઝન તથા દેખરેખ ની જરૂર છે અને તેથી વિશેષ આ પાણી કાયમી ધોરણે કોઈ મોટી ગટર સાથે જોડાણ આપવું જરૂરી છે અન્યથા સમસ્યા ઠેરની ઠેર જ રહેવા સંભવ છે.

---------------

હિન્દુસ્થાન સમાચાર / ભરતસિંહ જાદવ