ગ્લાસગો, નવી દિલ્હી, 27 જુલાઈ (હિં.સ.). ભારતીય વેઈટલિફ્ટર રાજા મુથુપાંડીએ, કોમનવેલ્થ ગેમ્સ 2026માં શાનદાર પ્રદર્શન કરતા પુરુષોના 65 કિલોગ્રામ વજન વર્ગમાં રજત મેડલ જીત્યો. શનિવારે રમાયેલી સ્પર્ધામાં મુથુપાંડીએ કુલ 286 કિલોગ્રામ વજન ઉઠાવીને બીજા સ્થાને રહીને ભારતને ગેમ્સનો બીજો રજત મેડલ અપાવ્યો.

આ સ્પર્ધાનો સુવર્ણ મેડલ મલેશિયાના અઝનિલ બિન બિદિન મોહમ્મદે કુલ 299 કિલોગ્રામ વજન ઉઠાવીને પોતાના નામે કર્યો. જ્યારે, પાપુઆ ન્યુ ગિનીના મોરિયા બારુએ 282 કિલોગ્રામ વજન ઉઠાવીને કાંસ્ય મેડલ મેળવ્યો.

22 વર્ષીય રાજા મુથુપાંડી માટે આ કોમનવેલ્થ ગેમ્સનો પહેલો મેડલ છે. આ પહેલા તે ગોલ્ડ કોસ્ટ 2018 કોમનવેલ્થ ગેમ્સમાં છઠ્ઠા સ્થાને રહ્યા હતા. તેમણે ઓગસ્ટ 2025માં આયોજિત કોમનવેલ્થ વેઈટલિફ્ટિંગ ચેમ્પિયનશિપમાં પણ રજત મેડલ જીત્યો હતો.

રાજા મુથુપાંડીના આ શાનદાર પ્રદર્શન સાથે જ, કોમનવેલ્થ ગેમ્સ 2026માં ભારતના મેડલોની સંખ્યા વધીને ચાર થઈ ગઈ છે. ભારતના ખાતામાં હવે એક સુવર્ણ, બે રજત અને એક કાંસ્ય મેડલ નોંધાયેલા છે. ભારતીય દળને આવનારા દિવસોમાં વિવિધ સ્પર્ધાઓમાં મેડલોની સંખ્યા વધવાની અપેક્ષા રહેશે.

હિન્દુસ્થાન સમાચાર / સુનીલ દુબે

હિન્દુસ્થાન સમાચાર / ડો.હિતેશ એન.વ્યાસ