નવી દિલ્હી, 25 સપ્ટેમ્બર (હિ.સ): દીનદયાળ ઉપાધ્યાય ગ્રામીણ કૌશલ્ય યોજના (ડીડીયુ-જીકેવાય) 2.0 હેઠળ, ઓક્ટોબર 2026 થી 24 રાજ્યો અને કેન્દ્રશાસિત પ્રદેશોમાં આશરે 70,000 ગ્રામીણ યુવાનો માટે કૌશલ્ય તાલીમ શરૂ થશે. આ રાજ્યોમાં 2,015 તાલીમ બેચ શરૂ કરવાની યોજના છે. કેન્દ્ર સરકારે રાજ્યો અને કેન્દ્રશાસિત પ્રદેશોને લક્ષ્ય ફાળવણી પ્રક્રિયા ઝડપી બનાવવા જણાવ્યું છે જેથી તાલીમ બેચ નિર્ધારિત સમયમર્યાદામાં શરૂ થાય.

ગ્રામીણ વિકાસ મંત્રાલયના જણાવ્યા અનુસાર, ડીડીયુ-જીકેવાય 2.0 પોર્ટલ પર 24 રાજ્યો અને કેન્દ્રશાસિત પ્રદેશોમાં પ્રોજેક્ટ અમલીકરણ એજન્સીઓને 1,200 થી વધુ પ્રોજેક્ટ્સ માટે 5.6 લાખ તાલીમ લક્ષ્યો ફાળવવામાં આવ્યા છે. અન્ય રાજ્યો પણ લક્ષ્ય ફાળવણી પ્રક્રિયાના અંતિમ તબક્કામાં છે.

ડીડીયુ-જીકેવાય, એ કેન્દ્ર દ્વારા પ્રાયોજિત યોજના છે, જે ગરીબ ગ્રામીણ યુવાનોને રોજગાર સંબંધિત કૌશલ્ય તાલીમ પૂરી પાડે છે. તાલીમનો સમયગાળો ત્રણથી 12 મહિનાનો છે. 2026-28 સુધીના બે વર્ષના સમયગાળા માટે તમામ 31 ભાગ લેનારા રાજ્યો અને કેન્દ્રશાસિત પ્રદેશોને 9 લાખથી વધુ તાલીમ લક્ષ્યાંકો ફાળવવામાં આવ્યા છે.

આ યોજના હેઠળ, રાજ્યો અને કેન્દ્રશાસિત પ્રદેશોએ ગ્રામીણ યુવાનોને એકત્ર કરવા અને માંગના આધારે જાહેર-ખાનગી ભાગીદારી (પીપીપી) મોડેલ દ્વારા રોજગાર-સંકળાયેલ કૌશલ્ય તાલીમ હાથ ધરવાની જરૂર છે. ટકાઉ રોજગાર માટે લાભાર્થીઓને તૈયાર કરવા માટે તાલીમ અભ્યાસક્રમો રાષ્ટ્રીય કૌશલ્ય લાયકાત માળખા (એનએસકયુએફ) સાથે સંરેખિત કરવામાં આવશે.

મંત્રાલયે જણાવ્યું હતું કે, રાજ્યો અને કેન્દ્રશાસિત પ્રદેશો માટે યોજનાનો ઝડપથી અમલ કરવા માટે આ એક મહત્વપૂર્ણ તબક્કો છે. તેમને પ્રોજેક્ટ અમલીકરણ એજન્સીઓને લક્ષ્યાંકો ફાળવવા અને નિર્ધારિત સમયરેખા અનુસાર તાલીમ બેચ શરૂ કરવા નિર્દેશ આપવામાં આવ્યો છે. રાજ્યો અને કેન્દ્રશાસિત પ્રદેશોએ ખાતરી કરવી જરૂરી છે કે 31 ઓક્ટોબર, 2026 સુધીમાં પ્રોજેક્ટ અમલીકરણ એજન્સીઓને લક્ષ્યાંકો ફાળવવામાં આવે.

ગ્રામીણ વિકાસ મંત્રાલય તાલીમ બેચ શરૂ કરવાની પ્રક્રિયાને ઝડપી બનાવવા માટે રાજ્યો અને કેન્દ્રશાસિત પ્રદેશો સાથે તબક્કાવાર સમીક્ષા બેઠકો પણ યોજી રહ્યું છે.

હિન્દુસ્થાન સમાચાર / પ્રશાંત શેખર / મુકુન્દ

હિન્દુસ્થાન સમાચાર / ડો.હિતેશ એન.વ્યાસ