મહેસાણા, 5 ઓક્ટોબર (હિ.સ.): મહેસાણા સ્થિત પ્રખ્યાત અને અધ્યાત્મિક મહત્વ ધરાવતા શ્રી કાશી વિશ્વનાથ મહાદેવ મંદિરમાં એક વિશેષ પ્રસંગ બન્યો હતો. કેબિનેટ મંત્રી ઋષિકેશ પટેલ તથા સાંસદ હરિભાઈએ મંદિરનું પવિત્ર દર્શન કરી શ્રદ્ધા અને ભક્તિ સાથે મહાદેવના આશીર્વાદ પ્રાપ્ત કર્યા.

મંદિરમાં પ્રવેશતાં કેબિનેટ મંત્રીએ શ્રી કાશી વિશ્વનાથ મહાદેવની મહિમા અને ભક્તિ પર ભાર મૂકતા જણાવ્યું કે આ મંદિર સ્થાનિક નહીં પરંતુ સમગ્ર વિસ્તારોના લોકોને આધ્યાત્મિક શાંતિ અને આશીર્વાદ આપતું મહત્વનું કેન્દ્ર છે. સાંસદ હરિભાઈએ પણ ભક્તિભાવ વ્યક્ત કરીને મંદિરના સર્વાંગી વિકાસ માટે સહયોગ આપવાનો સંકલ્પ વ્યક્ત કર્યો.

દર્શન પછી મહાદેવ મંદિરના આચાર્ય અને સ્થાપત્ય કાર્યકર્તાઓ સાથે સંવાદ કર્યો, જેમાં મંદિર સંચાલન અને ભાવિ વિકાસ માટેની યોજના પર ચર્ચા થઇ. આ પ્રસંગે મંદિર ખાતે ભક્તોનો ભીડ જોવા મળી હતી અને શ્રદ્ધાળુઓએ આ પવિત્ર ક્ષણનું લાભ લેતા ભાવપૂર્વક દર્શન કર્યું. આ ઘટનાએ મંદિરની મહત્વતા અને ભક્તિભાવને વધુ મજબૂત બનાવ્યું.

---------------

હિન્દુસ્થાન સમાચાર / RINKU AMITKUMAR THAKOR