અમરેલી, 5 ઓક્ટોબર (હિ.સ.): અમરેલી જિલ્લાના રાજુલા તાલુકાના વાવેરા ગામમાં રાત્રિના સમયે સિંહોના એક જૂથે ગામની સીમમાં પ્રવેશ કરી હલચલ મચાવી હતી. શિકારની શોધમાં આવેલા આ સાવજો ગામના પશુવાડા તરફ આવ્યા હતા, પરંતુ અચાનક જ ચરતા પશુઓના ટોળાએ સાવજોને ઘેરી લીધા, જેના કારણે સિંહોએ ભાગવાનું વળગી પડ્યું. આ સમગ્ર ઘટના ગામના એક ખેતરના CCTV કેમેરામાં સ્પષ્ટ રીતે કેદ થઈ ગઈ છે.

CCTVમાં જોવા મળે છે કે બે સિંહો એક બાજુથી ધીમે ધીમે આગળ વધે છે, ત્યારે અચાનક જ ગાયોના ટોળા તેમની સામે દોડતા દેખાય છે. સાવજોને આ અણધાર્યો પ્રતિકાર મળતા તેઓ તાત્કાલિક પાછા વળી જંગલ તરફ ભાગી જાય છે. આ અણોખું દૃશ્ય સ્થાનિક લોકોમાં ચર્ચાનો વિષય બન્યું છે. સામાન્ય રીતે સિંહથી બધાને ભય લાગે છે, પરંતુ અહીં પશુઓએ જ શૌર્ય દેખાડતા સિંહોને ભગાડી દીધા.

ગામમાં આ બનાવ પછી લોકોમાં ભયનો માહોલ જોવા મળ્યો છે. ખાસ કરીને રાત્રિના સમયે લોકો પશુવાડા તરફ ન જવા અને બાળકોને ઘરની બહાર ન છોડવા વનવિભાગ દ્વારા સૂચના આપવામાં આવી છે. વનવિભાગની ટીમોએ પણ વાવેરા ગામ નજીક રાત્રિ પેટ્રોલિંગ વધારી દીધું છે અને સિંહોના પગલાંનો પથલોટ હાથ ધર્યો છે.

સ્થાનિક લોકોએ જણાવ્યું કે છેલ્લા કેટલાક દિવસોથી ગામની આસપાસ સિંહોની લટાર વધતી જોવા મળી રહી છે. વનવિભાગને વિનંતી કરવામાં આવી છે કે ગામની સીમામાં વધુ ટ્રેપ કેમેરા લગાવી સિંહોની હલચલ પર નજર રાખે. આ બનાવ ફરી એકવાર સાબિત કરે છે કે ગુજરાતના સિંહો હવે ગામની નજીક સુધી આવી પહોંચ્યા છે, જેના કારણે માનવ અને વન્યજીવન વચ્ચેનો સંપર્ક વધતો જાય છે.

---------------

હિન્દુસ્થાન સમાચાર / Gondaliya Abhishek Nandrambhai