અમદાવાદ,7 ઓકટોબર (હિ.સ.) અમદાવાદના કુબેરનગર વિસ્તારમાં જાહેરમાં રસ્તા પર બીભત્સ ડાન્સનો એક વીડિયો વાઈરલ થયો હતો. આ વિડીયો બર્થડે પાર્ટીની ઉજવણીનો વીડિયો હતો. જેમાં જેનો બર્થડે હતો તે યુવક અને યુવતી બિભત્સ ચેનચાળા કરી ડાન્સા કરતા હોવાનો એક વીડિયો વાઈરલ થયો હતો. વાઈરલ વીડિયોની તપાસ બાદ પોલીસે રસ્તા પર બર્થડે પાર્ટીનું આયોજન કરી જાહેરમાં ચેનચાળા કરનારા મુકેશ નામના શખ્સની ધરપકડ કરી છે. જો કે, વાઈરલ વીડિયોમાં યુવક સાથે જે ડાન્સ કરે છે તે યુવતીઓ નહીં પણ કિન્નર હોવાનું ખૂલ્યું છે. મુકેશનો જન્મ દિવસ હોય કિન્નર તેને આશીર્વાદ આપવા આવેલા કિન્નરો ડાન્સ કરવા લાગ્યા હોવાનું સામે આવ્યું છે.

અમદાવાદના કુબેર નગરમાં રહેતા મુકેશ મકવાણાએ જન્મદિવસ નિમિત્તે જાહેર રોડ ઉપર ડાન્સ કર્યો હતો.મુકેશ સાથે કેટલીક યુવતીઓ પણ ડાન્સ કરતા દેખાઈ હતી.આ બીભત્સ ડાન્સ દરમિયાન કેટલાક યુવકોએ પૈસા પણ ઉછાળતા હતા.આ સમગ્ર કરતૂતનો વીડિયો વાયરલ થયો હતો.જે બાદ સરદાર નગર પોલીસે મુકેશ મકવાણા વિરુદ્ધ આરોપીની ધરપકડ કરી હતી.

પોલીસની તપાસમાં સામે આવ્યું હતું કે,આરોપી મુકેશનો જન્મદિવસ હોવાથી તેણે પાર્ટી રાખી હતી.મુકેશની પાર્ટીમાં તેના એક પરિચિત કિન્નરના કહેવાથી ગુજરાત બહારથી કેટલાક કિન્નર મુકેશને આશીર્વાદ આપવા માટે આવ્યા હતા.આ દરમિયાન મુકેશે તેમની સાથે ડાન્સ કર્યો હતો. સરદારનગર પોલીસ સ્ટેશનના પીઆઇ એમ.ડી ચંપાવતે જણાવ્યું હતું કે વીડિયોવાયરલ થતા જ આરોપીની ઓળખ કરી ગુનો નોંધી ધરપકડ કરવામાં આવી હતી.આરોપીના જન્મ દિવસની ઉજવણીમાં બહારથી કિન્નર આવ્યા હતા જેમણે આરોપી સાથે ડાન્સ કર્યો હતો.

હિન્દુસ્થાન સમાચાર / હર્ષ શાહ