- હરિયાણાના

પ્રવાસન મંત્રી અરવિંદ શર્માએ, મહેમાનોનું સ્વાગત કર્યું.

ચંડીગઢ, નવી દિલ્હી,17 નવેમ્બર (હિ.સ.)

હરિયાણા પછી, દિલ્હી અને

બિહારમાં ચૂંટણીનો મુદ્દો બનેલી ગોહાનાની જલેબી, સોમવારે ઉત્તરીય ઝોનલ કાઉન્સિલની

બેઠકમાં ચવાઈ ગઈ. કેન્દ્રીય ગૃહ અને સહકાર મંત્રી અમિત શાહની અધ્યક્ષતામાં 32મી ઉત્તરીય ઝોનલ

કાઉન્સિલની બેઠકમાં, પ્રવાસન મંત્રી

ડૉ. અરવિંદ શર્માએ વિવિધ રાજ્યોના પ્રતિનિધિઓનું જલેબી અને શાલથી સ્વાગત કર્યું.

મહેમાનો આ સૌજન્ય ભેટ મેળવીને ખુશ થયા.

હરિયાણા વિધાનસભા ચૂંટણી દરમિયાન ગોહાનાની જલેબી એક મુખ્ય

મુદ્દો રહ્યો. આ પછી, દિલ્હી વિધાનસભા

ચૂંટણી જીત્યા પછી, ભાજપના કાર્યકરોએ

ગોહાનાની જલેબીનું વિતરણ કર્યું. તાજેતરમાં, બિહાર વિધાનસભા ચૂંટણી દરમિયાન, હરિયાણાના નેતાઓએ

પ્રચાર દરમિયાન જલેબીની પણ ચર્ચા કરી હતી.

સોમવારે સૂરજકુંડમાં કેન્દ્રીય ગૃહ અને સહકાર મંત્રી અમિત

શાહની અધ્યક્ષતામાં યોજાયેલી 32મી ઉત્તરીય ઝોનલ કાઉન્સિલની મહત્વપૂર્ણ બેઠક શરૂ થાય તે

પહેલાં, પ્રવાસન મંત્રી

ડૉ. અરવિંદ શર્માએ તેમના આતિથ્યથી મહેમાનોના દિલ જીતી લીધા. તેમણે, આ મહત્વપૂર્ણ

વહીવટી બેઠકમાં મહેમાનોને હરિયાણા, મહારાષ્ટ્ર અને બિહારમાં રાજકીય રીતે મહત્વપૂર્ણ મતદારોનું

આકર્ષણ ગણાતું ગોહાના જલેબી ભેટમાં આપી.

પ્રવાસન મંત્રી શર્માએ, પંજાબના રાજ્યપાલ અને ચંડીગઢના

પ્રશાસક ગુલાબ ચંદ કટારિયા,

દિલ્હીના

લેફ્ટનન્ટ ગવર્નર વિનય કુમાર સક્સેના, જમ્મુ અને કાશ્મીરના લેફ્ટનન્ટ ગવર્નર મનોજ સિંહા, હરિયાણાના

મુખ્યમંત્રી નાયબ સિંહ સૈની, રાજસ્થાનના મુખ્યમંત્રી ભજન લાલ શર્મા, દિલ્હીના

મુખ્યમંત્રી રેખા ગુપ્તા,

પંજાબના

મુખ્યમંત્રી ભગવંત માન, હિમાચલ પ્રદેશના

મુખ્યમંત્રી સુખવિંદર સિંહ સુખુ અને અન્ય પ્રતિનિધિઓને જલેબી અને શાલ ભેટમાં આપી.

તેમણે કહ્યું કે,” હરિયાણા તેના આતિથ્ય માટે પ્રખ્યાત છે

અને રાજ્ય હંમેશા તેના મહેમાનોનું મન-સન્માન કરવામાં કોઈ કસર છોડતું નથી.”

હિન્દુસ્થાન સમાચાર / સંજીવ શર્મા / વીરેન્દ્ર સિંહ

હિન્દુસ્થાન સમાચાર / માધવી વ્યાસ