સુરત,19 નવેમ્બર (હિ.સ.) દક્ષિણ ગુજરાતમાં શિયાળાએ હવે પોતાનો અસરકારક પ્રભાવ બતાવવાનું શરૂ કર્યું છે. સુરતમાં છેલ્લા કેટલાક દિવસોથી વહેલી સવાર અને રાત્રિના સમયમાં ઠંડક સતત વધી રહી છે. હવે દિવસે પણ ઠંડીના ઝોકા અનુભવાઈ રહ્યા છે.

મંગળવારે હવામાન વિભાગ દ્વારા જાહેર કરાયેલા આંકડા મુજબ શહેરનું મહત્તમ તાપમાન 30.8 ડિગ્રી નોંધાયું છે, જ્યારે લઘુત્તમ તાપમાન 1 ડિગ્રી ઘટીને 18.6 ડિગ્રી થયું છે.

હવામાં 33 ટકા ભેજ અને ઉત્તર–પૂર્વ દિશામાંથી 3 કિમી પ્રતિ કલાકની ઝડપે પવન ફૂંકાતા ઠંડક વધુ તીવ્ર થઈ છે.લઘુત્તમ તાપમાનમાં ઘટાડાને કારણે શહેરવાસીઓ વહેલી સવારમાં સ્વેટર, જૅકેટ અને માફલર પહેરીને બહાર નીકળતા જોવા મળે છે.વાતાવરણમાં આવતું આ પરિવર્તન બતાવે છે કે શિયાળાની ઋતુ હવે ધીમે ધીમે પોતાની પકડ મજબૂત કરી રહી છે.હવામાન નિષ્ણાતોના અનુમાન અનુસાર આવતા દિવસોમાં દક્ષિણ ગુજરાતમાં ઠંડી વધુ વધવાની સંભાવના છે.

હિન્દુસ્થાન સમાચાર / યજુવેન્દ્ર દુબે