અમદાવાદ,4 નવેમ્બર (હિ.સ.) ગુજરાત હાઇકોર્ટમાં પોતની પુત્રીને ભગાડી ગયાને પરત લાવવા માટે હેબિયસ કોર્પસ અરજી કરવામાં આવે છે આવી જ એક અરજી મહેસાણામાં રહેતા પિતા દ્વારા પોતાની પુત્રી પરિવારને છોડીને પરિણીત પુરુષ સાથે રહેવા લાગતાં ગુજરાત હાઈકોર્ટમાં હેબિયસ કોર્પસ અરજી કરવામાં આવી હતી. કોર્ટના આદેશથી પોલીસે યુવતીને કોર્ટ સમક્ષ રજૂ કરતાં યુવતીએ પોતાની મરજીથી જ પરિણીત પુરુષ સાથે રહેવા ગઈ હોવાની વાત કરી હતી. આ મામલે ગુજરાત હાઈકોર્ટમાં આજે વધુ સુનાવણી હાથ ધરાશે.

ગુજરાત હાઇકોર્ટમાં મહેસાણાથી એક પિતાએ પોતાની 23 વર્ષીય પુત્રીને પરત મેળવવા હાઇકોર્ટમાં હેબિયસ કૉર્પસ સરજી દાખલ કરી હતી, જેમાં તેમણે માગ કરી હતી કે પુત્રીને કોર્ટ સમક્ષ રજૂ કરવામાં આવે. તેને એક પરિણીત પુરુષ દ્વારા ગોંધી રખાઈ છે અને એમાં તેના પરિવારના 20 સભ્યોએ પણ તેનો સાથ આપ્યો છે.

ગત જૂન મહિનામાં પુત્રી ઘરેથી નીકળી ગઈ હતી. તેને શોધીસ પરંતુ તે મળી ન હતી. વળી, પુત્રીને ભગાડી જનારી દૂરનો સગી વ્યક્તિ જ છે. પુત્રી ઘરમાંથી 50 હજાર રૂપિયા રોકડા અને તેના ઓળખના પુરાવા લઈને ગાયબ થઈ ગઈ હતી. જે વ્યક્તિએ તેને ગોંધી રાખી છે તેનાં પરિવારજનોએ ધમકી આપી હતી કે તેમની બીજી પુત્રીને પણ ભગાડી જશે. જો પોલીસને જાણ કરવામાં આવશે તો તેમની પુત્રીને મારી નાખવામાં આવશે.

આ અંગે મહેસાણા પોલીસને અરજી પણ આપવામાં આવી હતી. આમ, યુવાન પુત્રી પરિણીત પુરુષની ગેરકાનૂની કસ્ટડીમાં હોવાથી તેને કોર્ટ સમક્ષ રજૂ કરી તેના પિતાને તેની કસ્ટડી સોંપવામાં આવે. વળી, તેની પુત્રી જેની સાથે ભાગી છે તે પહેલેથી પરિણીત છે. તેની પહેલી પત્ની હયાત છે અને તેને 02 વર્ષનો દીકરો પણ છે, જે તેની સાથે રહે છે.

જોકે કોર્ટના આદેશથી પોલીસે યુવતીને કોર્ટ સમક્ષ રજૂ કરી હતી. તેણે જણાવ્યું હતું કે તે પોતાની મરજીથી પરિણીત પુરુષ સાથે રહેવા ગઈ છે. તે જે વ્યક્તિ સાથે રહે છે તેની પહેલી પત્ની છે અને તેનાથી તેને એક પુત્ર પણ છે. બધી જ હકીકતોની તેને ખબર છે. કોર્ટે નોંધ્યું હતું કે અરજદારની પુત્રીને ગેરકાનૂની રીતે ગોંધી રખાઈ નથી. તે પુખ્ત અને પરિપક્વ છે.

હિન્દુસ્થાન સમાચાર / હર્ષ શાહ