ગાંધીનગર, 9 નવેમ્બર (હિ.સ.) : ગુજરાતમાં આતંકી હુમલાની મોટી સાજિશનો પર્દાફાશ થયો છે. ગુજરાત ATS એ ગાંધીનગરના અડાલજ ટોલપ્લાઝા નજીકથી ત્રણ આતંકીઓને ઝડપી પાડ્યા બાદ થયેલી પૂછપરછમાં આ ખુલાસો થયો છે. તેમના પાસેથી આધુનિક પિસ્તોલો તથા ઝેરી કેમિકલ મળી આવ્યા છે. હાલ તેમની વધુ પૂછપરછ ચાલી રહી છે.

ગુજરાત ATS એ ડૉ. અહમદ મોહીઉદ્દીન સૈયદ પુત્ર અબ્દુલ ખાદર જિલાની, મહંમદ સુહેલ પુત્ર મહંમદ સુલેમાન અને આઝાદ પુત્ર સુલેમાન સૈફી નામના આતંકીઓને ધરપકડ કર્યા છે. તેમના પાસેથી બે ગ્લોક પિસ્તોલ, એક બેરેતા પિસ્તોલ, 30 જીવંત કારતૂસ અને 4 લિટર કાસ્ટર તેલ જપ્ત કરવામાં આવ્યું છે.

પકડાયેલ ડૉ. અહમદ મોહીઉદ્દીન અબ્દુલ કાદર જિલાની હૈદરાબાદના રહેવાસી છે, જ્યારે મહંમદ સુહેલ મહંમદ સુલેમાન અને આઝાદ સુલેમાન સૈફી ઉત્તર પ્રદેશના રહેવાસી છે. ત્રણેયની ઉંમર આશરે 25 વર્ષની આસપાસ હોવાનું જણાવાયું છે.

ગુજરાત ATS એ જણાવ્યું છે કે ત્રણેયને હથિયાર સપ્લાય કરતી વખતે પકડી પાડવામાં આવ્યા હતા. તેઓ દેશના વિવિધ ભાગોમાં આતંકી હુમલા કરવાની યોજના બનાવી રહ્યા હતા. ISIS સાથે જોડાયેલા આ ત્રણેય આતંકીઓ ગુજરાતમાં સાયનાઇડ કરતાં પણ વધુ ખતરનાક ઝેર બનાવવાનો પ્રયાસ કરી રહ્યા હતા. રાજ્યમાં તેઓ કોઈ મોટી ઘટનાને અંજામ આપી શકે, તે પહેલાં જ ગુજરાત ATS એ તેમને દબોચી લીધા.

---------------

હિન્દુસ્થાન સમાચાર / અભિષેક બારડ