પોરબંદર, 1 ડિસેમ્બર (હિ.સ.) : પોરબંદર પોલીસ જનતાની સેવા માટે સતત કાર્યરત છે અને પોરબંદરમાં કોઈ અનિચ્છનીય બનાવ ન બને તે માટે સતર્ક રહે છે ત્યારે પોરબંદરના હાર્બર મરિન પોલીસના અધિકારીઓ દ્વારા હિરાવતી સી ફૂડ કંપની ખાતે મહિલા જાગૃતિ કાર્યક્રમનું આયોજન કરવામાં આવ્યું હતું. હાર્બર મરીન પોલીસ સ્ટેશનના પોલીસ ઈન્સ્પેક્ટર તેમજ સી ટીમના સભ્યો દ્વારા હીરાવતી સી કુડ કંપનીમાં કામ કરતી વર્કર બહેનોને નશીલા પદાર્થોથી તથા નુક્શાન તથા માદક પદાર્થના ઉપયોગ તથા હેરા ફેરી થી થતી આડ અસરો બાબતે જાગૃતી કેળવવા સારૂ એવરનેસ કરી ડ્રગ્સ એક્ટીવીટીના હેલ્પલાઈન નં. 1933 ની માહીતી આપવામાં તેમજ સી ટીમ વીશે માહિતગાર કરેલ. જેમાં મહીલાઓને ઘરેલું હિંસા શારીરીક માનસીક ત્રાસ,જાતીય શોષણ ના બનાવો બને ત્યારે મહીલા પોલીસ સ્ટેશન તથા હાર્બર મરીન પોલીસ સ્ટેશનનો સંપર્ક કરવા માર્ગદર્શન આપવામાં આવેલ તેમજ નવા કાયદાઓ વિશે તથા બાળકોને રક્ષણ આપતો અધિનિયમ જે POCSO વિશે પણ માહિતગાર કરેલ. આ ઉપરાંત મહિલા હેલ્પલાઈન 181 ની વિગતવાર માહિતી આપેલ બાળકોને ચિલ્ડ્રન હેલ્પલાઈન નંબર 1098 વિશેનો ઉપયોગ કેમ કરવો એના વિશે પણ માહિતગાર કરેલ અને ટ્રાફીક ના નિયમો અંગે સમજ કરેલ તથા સાયબર ક્રાઈમથી થતા ફ્રોડ બાબતે માહિતી તેમજ અભયમ હેલ્પલાઈન નંબર 181 અને 112 નંબર વિશે પણ માહિતી આપવામાં આવી હતી. આ કામગીરી હાર્બર મરીન પોલીસ સ્ટેશનના ઇન્સ્પેક્ટર એસ.ડી.સાળુંકે, UPC કે.કે. ઓડેદરા, WPC યુ.એસ.મેડા તથા WPC કે.બી ગોઢાણીયા દ્વારા કરવામાં આવી હતી.

---------------

હિન્દુસ્થાન સમાચાર / Tejas Pravinbhai Dholariya