ગીર સોમનાથ 2 ડિસેમ્બર (હિ.સ.) જુનાગઢ રેન્જ આઈ.જી. નિલેશ જાજડીયા તથા ગીર સોમનાથ જિલ્લા પોલીસ અધિક્ષક જયદિપસિંહ જાડેજા તથા નાયબ પોલીસ અધિક્ષક એમ. એફ. ચૌધરી ઉના વિભાગ ઉના નાઓએ વિદ્યાર્થિની ઓની સલામતી સુરક્ષા માટે તકેદારી રાખી કાયદેસરની કાર્યવાહી કરવા સુચના આપવામાં આવેલ છે.

જે અન્વયે ગીર સોમનાથ જિલ્લા પોલીસ અધિક્ષક જયદિપસિંહ જાડેજા નાઓના માર્ગદર્શન હેઠળ કોડીનાર પોલીસ સ્ટેશનના પોલીસ ઇન્સ્પેકટર એમ.કે.વણારકા તથા કોડીનાર પોલીસ સ્ટાફ વિદ્યાર્થિનીઓની સુરક્ષા અને સલામતી માટે કટિબદ્ધ છે જેથી આજરોજ કોડીનાર પોલીસ સ્ટેશન વિસ્તારમાં આવેલ (૧) સોમનાથ એકેડમી તથા મહીલા હોસ્ટેલ (ર) કે.ડી.બારડ એકેડમી તથા મહીલા હોસ્ટેલ (૩) પાવન વિદ્યાલય (૪) જે.એસ પરમાર કોલેજ (૫) રાજદિપ સ્કુલ (૬) નાલંદા સ્કુલ તથા મહીલા હોસ્ટેલ (૭) એમ.ક્યુ. પ્રાથમીક શાળા (૮) મદ્રેસાએ હબીબીયા (૯) એપેક્ષ સ્કુલ તથા મહીલા હોસ્ટેબલ તથા (૧૦) સરસ્વતી સ્કુલ તથા મહીલા હોસ્ટેલ વગેરે મુખ્ય સ્કુલોના સંચાલક તથા પ્રીન્સીપાલઓ સાથે મળી મીટીંગનુ આયોજન કરવામાં આવેલ જેમાં મહીલા વિદ્યાર્થીઓની સુરક્ષાને લઇ સ્કુલ વાહનના ડ્રાઇવરનુ પોલીસ વેરીફીકેશન કરાવી ડ્રાઇવરનો ડેટા રાખવો તથા સ્કુલ/કોલેજ/હોસ્ટેલ વિસ્તારની આજુબાજુ અસામાજિક તત્વોની હીલચાલ મળી આવે અથવા મહીલા વિદ્યાથીણીઓ સાથે કોઇ નબીરાઓ દ્વારા રોમિયોગીરી, છેડતી, પજવણી કરવામાં આવે તો તાત્કાલીક પોલીસ સ્ટેશન જાણ કરવા તેમજ સ્કુલ/કોલેજ/હોસ્ટેલની આજુબાજુ ફેરીયાઓ/લાળી વાળા તથા ખાનગી વાહન દ્વારા મહીલા વિદ્યાથીઓને સ્કુલ/કોલેજએ આવવા જવામાં કોઇ અડચણ હોય તો પોલીસ સ્ટેશનનો સંપર્ક કરી તાત્કાલીક પોલીસને જાણ કરવામાં આવેલ તેમજ પોકસો અધિનીયમ તથા ગુડ ટચ બેડ ટચ અંગે જરૂરી સુચનાઓ આપવામાં આવેલ તથા સાયબર સાથી પુસ્તીકાનુ વિતરણ કરવામાં આવેલ છે.

---------------

હિન્દુસ્થાન સમાચાર / ભરતસિંહ જાદવ