પાટણ, 21 ડિસેમ્બર (હિ.સ.)સિદ્ધપુરના ગુલિસ્તાન પાર્ક વિસ્તારમાંથી પાર્ક કરેલી મારુતિ ઇકો ગાડીની ચોરીની ઘટના સામે આવી છે. આ ઘટના 17 ડિસેમ્બર, 2025ના રોજ બની હતી.

તાવડીયા રોડ પર આવેલી ગુલિસ્તાન પાર્ક સોસાયટીમાં રહેતા જાવેદખાન ભીખુભાઈ ચૌહાણે પોતાની સફેદ રંગની મારુતિ ઇકો (નં. GJ-02-CG-5442) રાત્રે 11 વાગ્યે ઘરની બાજુના પ્લોટમાં પાર્ક કરી હતી.

ગાડી 2017 મોડેલની હતી અને તેની અંદાજિત કિંમત રૂપિયા 2 લાખ હતી. મોડી રાત્રે અજાણ્યા ચોરોએ તકનો લાભ લઈને ગાડીની ચોરી કરી હતી.

બીજા દિવસે સવારે ગાડી ન મળતા જાવેદખાને સિદ્ધપુર પોલીસ સ્ટેશનમાં ફરિયાદ નોંધાવી હતી. પોલીસે ગુનો દાખલ કરીને વધુ તપાસ PSI પી.એન. પટેલ દ્વારા શરૂ કરી છે.

હિન્દુસ્થાન સમાચાર / હાર્દિક રાઠોડ