પાટણ, 3 ડિસેમ્બર (હિ.સ.) તાજેતરમાં યોજાયેલી વિશેષ ડ્રાઇવ દરમિયાન સિદ્ધપુર તાલુકાની કાકોશી પોલીસે સુરત કડોદરા GIDC પોલીસ સ્ટેશનમાં નોંધાયેલા ગુનામાં છેલ્લા બે વર્ષથી નાસતા-ફરતા મુસ્તુફાખાન રસુલખાન ઈમામખાન નાગોરીને વાધણા ગામેથી ઝડપી પાડ્યો હતો.

કાકોશી પોલીસ સ્ટેશનના PSI પી.વી. ચૌધરી, ASI અશોકભાઈ ઈશ્વરભાઈ, AHC નરેંદ્રસિંહ મોબુસિંહ અને ભરતકુમાર વાલજીભાઈ સહિતનો સ્ટાફ પેટ્રોલિંગ દરમિયાન ચોક્કસ બાતમી મળતા તાત્કાલિક કાર્યવાહી માટે સ્થળ પર પહોંચ્યો અને આરોપીને કાબૂમાં લીધો.

આરોપી સામે પ્રાણી ક્રૂરતા અધિનિયમ, ગુજરાત આવશ્યક ચીજવસ્તુ અને ઢોર નિયંત્રણ અધિનિયમ, રાજ્ય પશુ હેરાફેરી અને પ્રાણી સંરક્ષણ સંબંધિત ગુનાઓ નોંધાયેલા છે. પોલીસ દ્વારા તેના સામે આગળની કાયદેસરની કાર્યવાહી શરૂ કરવામાં આવી છે.

હિન્દુસ્થાન સમાચાર / હાર્દિક રાઠોડ