સુરત, 4 ડિસેમ્બર (હિ.સ.): સુરત શહેરમાં બે મિત્રોની થયેલી બર્બર હત્યાએ શહેરને દચકા મારી દીધા છે. ગોડાદરા અને નંદુરબારમાં અલગ-અલગ સ્થળેથી મળેલી લાશોએ કુખ્યાત બૂટલેગર શિવા ટકલા અને તેની ગેંગની ક્રૂરતા બહાર લાવી છે. દારૂની પેટીઓની ચોરીના શંકા અને રૂપિયા લેતી-દેતીના વિવાદને કારણે આ દુર્ઘટના સર્જાઈ હોવાનું સામે આવ્યું છે. ઘટના 1 ડિસેમ્બરની મોડી રાત્રે શરૂ થઈ અને બીજા દિવસે બે યુવાનોની લાશ મળતાં મામલો ડબલ મર્ડર સુધી પહોંચ્યો.

એક દિવસ પહેલાંથી લાપતા ત્રણ મિત્રો

ઉધના મહાકાળી નગરમાં રહેતા ફિરોઝ શેખનો 23 વર્ષીય પુત્ર સોઈબ ઉબર માટે બાઈક ટેક્સી ચલાવતો હતો. 1 ડિસેમ્બરે બપોરે ભોજન કરીને ઘરેથી નીકળ્યો પણ રાત્રે ઘરે પહોંચ્યો નહીં. તેની માતા શાકિલાની કોલ્સ પણ ઉઠાવી નહોતા. મોડી રાત્રે નાજિમના ફોન પરથી સોઈબે ઘેર સંદેશો કર્યો કે દારૂની પેટીઓના વિવાદને કારણે તેમના પર દબાણ કરવામાં આવી રહ્યું છે અને રૂ.20,000 મોકલવા વિનંતી કરી હતી. ત્યારબાદ બંનેના ફોન બંધ થઈ ગયા.

ગોડાદરા અને નંદુરબારમાં બે લાશો મળી

બીજા દિવસે પણ સોઈબનો પત્તો ન મળતાં પરિવાર નાજિમના લિંબાયત સ્થિત ઘરે ગયો, પરંતુ ત્યાં પણ કંઈ જાણ મળી નહીં. રાત્રે લિંબાયત પોલીસ સ્ટેશનથી કોલ આવ્યો કે નાજિમની બહેને તેની ગુમશુદગી નોંધાવી છે. પોલીસે પરિવારને બોલાવ્યો ત્યારે જ ગોડાદરા વિસ્તારમાં એક યુવકની લાશ મળી હોવાની માહિતી મળી. પરિવાર ત્યાં પહોંચ્યો ત્યારે એ લાશ સોઈબની જ હોવાનું બહાર આવ્યું. તેની પર અત્યાચાર અને પીટાઈના ગંભીર નિશાન હતાં.

પોલીસે ત્યારબાદ નાજિમની શોધખોળ શરૂ કરી અને થોડા સમયમાં તેની લાશ મહારાષ્ટ્રના નંદુરબાર જિલ્લાના તળોદા નજીક મળી આવી. ત્રીજો મિત્ર ઇર્ષાદ ગંભીર હાલતમાં મળ્યો, જેને તળોદા નજીક હોસ્પિટલ પાસે છોડવામાં આવ્યો હતો. માહિતી મુજબ મુખ્ય આરોપી શિવાનંદ લલ્લન યાદવ ઉર્ફે શિવા ટકલા પ્રિયંકા વિસ્તારમાં ગેરકાયદેસર દારૂનો સ્ટોક રાખતો હતો. ત્યાંથી વારંવાર દારૂની પેટીઓ ગુમ થતી હોવાના શંકાને કારણે તેણે સોઈબ, નાજિમ અને ઇર્ષાદને પકડી લીધા હતાં. તેણે અને તેના સાથીઓએ ત્રણેયને બર્બર રીતે માર્યા. સૌથી વધુ અત્યાચાર સોઈબ પર કરવામાં આવ્યો હતો, જેના કારણે તેની સ્થળ પર જ મોત થયું. તેની લાશ ગોડાદરા રાજહંસ ફેબ્રિઝો માર્કેટ પાછળ ફેંકી દેવાઈ. નાજિમ અને ઇર્ષાદને કારમાં નાખીને શિવા અને તેની ટોળકી મહારાષ્ટ્ર લઇ ગઈ. રસ્તામાં નાજિમનું મોત નીપજ્યું, તેની લાશ તળોદા પાસે ફેંકી દેવાઈ. ગંભીર ઇર્ષાદને હોસ્પિટલ પાસે છોડી આરોપીઓ ફરાર થઈ ગયા.

બે સાથીઓની ધરપકડ, મુખ્ય આરોપી શિવા હજી પણ ફરાર

આ બમણા હત્યા મામલે શિવાના બે સાથીઓ જાલમ ઉર્ફે જગદીશ કલાલ અને આસિફ શેખ ની ધરપકડ થઈ છે. જ્યારે શિવા ટકલા અને અન્ય સાથી હજુ ફરાર છે. પોલીસની અલગ-અલગ ટીમો તેમની શોધમાં લાગી છે.

---------------

હિન્દુસ્થાન સમાચાર / યજુવેન્દ્ર દુબે