મહેસાણા,6 ડિસેમ્બર (હિ.સ.) મહેસાણા જિલ્લાના વડનગરમાં આવેલું શર્મિષ્ઠા તળાવ આશરે 1083 વર્ષ જૂનું હોવાનું માનવામાં આવે છે. શહેરના હ્રદયસ્થોલમાં આવેલું આ તળાવ ઇતિહાસ, લોકવાયકા અને સંસ્કૃતિના વારસાનું અનોખું પ્રતિક છે. છેલ્લા કેટલીક સાલમાં અહીં વિકસાવાયેલા સંગીત આધારિત થીમ પાર્કને કારણે આ સ્થળ વધુ આકર્ષક બન્યું છે, જ્યાં મુલાકાતીઓ હેડફોન મારફતે શાસ્ત્રીય રાગોનો આનંદ માણી શકે છે. દિવાળી સહિત તહેવારોમાં અહીં મોટી સંખ્યામાં ભીડ ઉમટી પડે છે, ખાસ કરીને એન્ટ્રી ફી ન લેવાને કારણે પ્રવાસીઓની પસંદગીનું સ્થળ બની ગયું છે.ગાઈડ રૂપલ ઠાકોર જણાવે છે કે તળાવ ‘શંકતીર્થ’ તરીકે પણ ઓળખાય છે. લોકમાન્યતા મુજબ સોમવંશની એક દીકરીએ પાર્વતી માતાને પ્રસન્ન કરવા માટે અહીં તપ કરેલું, જેના સ્મરણરૂપે તળાવની ઉત્પત્તિ માનવામાં આવે છે. એક લોકકથા મુજબ રાજા અભેસિંગના પુત્ર અને પુત્રવધૂએ બલિદાન આપ્યા પછી જ તળાવમાં પાણી સ્થિર થયું હતું — આ માન્યતા આજેય લોકોએ જળવાઈ રાખી છે.સમચોરસ આ તળાવનું પ્રાચીન પથ્થરબંધ બાંધકામ, 360 જેટલા પગથિયાં, ‘લક્ષ્મીનારાયણ આરો’ અને ‘કૃષ્ણ આરો’ જેવી વિશિષ્ટતાઓ, મધ્યમાં આવેલી સતીની દેરી અને શાંતિમય વાતાવરણ—all મળીને શર્મિષ્ઠા તળાવને વડનગરનું અનોખું પર્યટન કેન્દ્ર બનાવી દે છે.

હિન્દુસ્થાન સમાચાર / RINKU AMITKUMAR THAKOR