ભાવનગર, 8 ડિસેમ્બર (હિ.સ.) : પશ્ચિમ રેલવેના ભાવનગર મંડળના ભાવનગર ટર્મિનસ સ્ટેશન યાર્ડમાં પિટ લાઇન નં. 2ના રિપેર કામ માટે બ્લોક લેવામાં આવવાને કારણે જે ટ્રેનો 8 ડિસેમ્બર, 2025 (સોમવાર)થી રદ્દ કરવાનાં હતાં, તેને હવે 12 ડિસેમ્બર, 2025 (શુક્રવાર)થી આગામી 45 દિવસ માટે રદ્દ કરવાની નિર્ણય લેવામાં આવ્યો છે.

આ અવધિ દરમિયાન કેટલીક ટ્રેનો રદ્દ, શોર્ટ ટર્મિનેશન/ઓરિજિનેશન તથા પુનર્નિયોજિત કરવામાં આવશે. મુસાફરોને વિનંતી છે કે મુસાફરી પહેલાં સંબંધિત માહિતી જરૂર મેળવે. ભાવનગર મંડળના વરિષ્ઠ મંડળ વાણિજ્ય પ્રબંધક અતુલ કુમાર ત્રિપાઠી મુજબ પ્રભાવિત ટ્રેનોનું વિગતવાર વર્ણન નીચે મુજબ છે:

રદ્દ (Cancel) થનારી ટ્રેનો:

1. ટ્રેન નંબર 59228/59233 ભાવનગર–સુરેન્દ્રનગર–ભાવનગર પેસેન્જર તા. 12.12.2025 થી 25.01.2026 સુધી કુલ 45 દિવસ રદ્દ રહેશે.

2. ટ્રેન નંબર 59267/59268 ભાવનગર–પાલીતાણા–ભાવનગર પેસેન્જર તા. 12.12.2025 થી 25.01.2026 સુધી કુલ 45 દિવસ રદ્દ રહેશે.

3. ટ્રેન નંબર 59269/59270 ભાવનગર–પાલીતાણા–ભાવનગર પેસેન્જર તા. 12.12.2025 થી 25.01.2026 સુધી કુલ 45 દિવસ રદ્દ રહેશે.

4. ટ્રેન નંબર 59230 ભાવનગર–બોટાદ પેસેન્જર તા. 12.12.2025 થી 25.01.2026 સુધી કુલ 45 દિવસ રદ્દ રહેશે.

5. ટ્રેન નંબર 59229 બોટાદ–ભાવનગર પેસેન્જર તા. 13.12.2025 થી 26.01.2026 સુધી કુલ 45 દિવસ રદ્દ રહેશે.

6. ટ્રેન નંબર 59204/59271 ભાવનગર–બોટાદ–ભાવનગર પેસેન્જર તા. 12.12.2025 થી 25.01.2026 સુધી કુલ 45 દિવસ રદ્દ રહેશે.

7. ટ્રેન નંબર 59235 ધોલા–મહુવા પેસેન્જર તા. 12.12.2025 થી 25.01.2026 સુધી કુલ 45 દિવસ રદ્દ રહેશે.

8. ટ્રેન નંબર 59236 મહુવા–ધોલા પેસેન્જર તા. 13.12.2025 થી 26.01.2026 સુધી કુલ 45 દિવસ રદ્દ રહેશે.

9. ટ્રેન નંબર 09529/09530 ધોલા–ભાવનગર–ધોલા TOD સ્પેશિયલ તા. 12.12.2025 થી 25.01.2026 સુધી કુલ 45 દિવસ રદ્દ રહેશે.

પુનર્નિયોજિત ટ્રેનો (Rescheduled Trains):

1. ટ્રેન નંબર 12972 (ભાવનગર–બાંદ્રા ટર્મિનસ સુપરફાસ્ટ) તા. 16.12.2025, 23.12.2025, 30.12.2025, 06.01.2026, 13.01.2026 અને 20.01.2026, એટલે કે દરેક મંગળવારે 2 કલાક 30 મિનિટના વિલંબથી ચાલશે.

2. ટ્રેન નંબર 19271 (ભાવનગર–હરિદ્વાર એક્સપ્રેસ) તા. 18.12.2025, 25.12.2025, 01.01.2026, 08.01.2026, 15.01.2026 અને 22.01.2026, એટલે કે દરેક ગુરુવારે 3 કલાકના વિલંબથી ચાલશે.

3. ટ્રેન નંબર 20966 (ભાવનગર–ગાંધીગ્રામ સુપરફાસ્ટ ઇન્ટરસિટી) તા. 14.12.2025, 18.12.2025, 21.12.2025, 25.12.2025, 28.12.2025, 01.01.2026, 04.01.2026, 08.01.2026, 11.01.2026, 15.01.2026, 18.01.2026, 22.01.2026 અને 25.01.2026, એટલે કે દરેક રવિવાર અને ગુરુવારે 30 મિનિટના વિલંબથી ચાલશે.

4. ટ્રેન નંબર 59558 (ભાવનગર–વેરાવળ પેસેન્જર) તા. 13.12.2025, 20.12.2025, 27.12.2025, 03.01.2026, 10.01.2026, 17.01.2026 અને 24.01.2026, એટલે કે દરેક શનિવારે તેના નિર્ધારિત સમય કરતાં 3 કલાક વિલંબથી ચાલશે.

શોર્ટ ટર્મિનેશન/ઓરિજિનેશન (Short Termination/Origination):

1. ટ્રેન નંબર 19209 (ભાવનગર–ઓખા એક્સપ્રેસ) તા. 13.12.2025 થી 25.01.2026 સુધી દરેક મંગળવાર, બુધવાર, શનિવાર અને રવિવારે રાજકોટ સ્ટેશન પર શોર્ટ ટર્મિનેટ થશે (અઠવાડિયામાં 4 દિવસ). એટલે કે આ ટ્રેન અઠવાડિયામાં ત્રણ દિવસ સોમવાર, ગુરુવાર અને શુક્રવારે ભાવનગર ટર્મિનસથી ઓખા સુધી જશે, જ્યારે બાકીના દિવસોમાં (મંગળવાર, બુધવાર, શનિવાર અને રવિવારે) ભાવનગરથી રાજકોટ સુધી જશે.

2. ટ્રેન નંબર 19210 (ઓખા–ભાવનગર એક્સપ્રેસ) તા. 14.12.2025 થી 26.01.2026 સુધી દરેક રવિવાર, સોમવાર, બુધવાર અને ગુરુવારે રાજકોટ સ્ટેશન પરથી શોર્ટ ઓરિજિનેટ થશે (અઠવાડિયામાં 4 દિવસ). આ ટ્રેન આ દિવસોમાં રાજકોટથી પ્રસ્થાન કરીને ભાવનગર સુધી જશે. બાકીના ત્રણ દિવસ મંગળવાર, શુક્રવાર અને શનિવારે આ ટ્રેન પોતાના નિર્ધારિત સમય અનુસાર ઓખાથી ચલાવવામાં આવશે.

ઉલ્લેખનીય છે કે ઉપર દર્શાવેલી કોઈપણ ટ્રેનના સમયપત્રકમાં ફેરફાર કરવામાં આવ્યો નથી. આ બંને ટ્રેનો પોતાના નિર્ધારિત સમય અનુસાર જ ચાલશે. ઉપરોક્ત તમામ ફેરફારો 45 દિવસ સુધી અથવા પિટ લાઇન નંબર–2 સંપૂર્ણ રૂપે કાર્યરત થાય ત્યાં સુધી લાગુ રહેશે. જનતાને વિવિધ માધ્યમો દ્વારા તેની વ્યાપક માહિતી આપવામાં આવી રહી છે. મુસાફરોને વિનંતી કરવામાં આવી છે કે અસુવિધાથી બચવા માટે મુસાફરી પહેલાં સંબંધિત સ્ટેશન અથવા રેલવેની અધિકૃત વેબસાઇટ www.enquiry.indianrail.gov.in પરથી તાજી માહિતી મેળવો.

---------------

હિન્દુસ્થાન સમાચાર / ભરતસિંહ જાદવ