સુરત, 28 મે (હિ.સ.)-સુરતના યુવા ટેક એન્ત્રપ્રેન્યોર જેમિશ લખાણીએ વિદેશી બેટલ રોયલ ગેમ્સને ટક્કર આપે તેવી સ્વદેશી ગેમ ‘સ્કારફોલ – ધ રોયલ કોમ્બેટ’ ડિઝાઇન કરી છે. 35 મિલિયનથી વધુ ડાઉનલોડ મેળવેલી આ મલ્ટીપ્લેયર શુટિંગ ગેમમાં કાઠિયાવાડી પાત્રો, સાડી પહેરેલી મહિલા શૂટર્સ, છકડા, ઑટો રિક્ષા જેવા લોકલ ટચ અને ગુજરાતી-ભારતીય સંસ્કૃતિનું પ્રતિનિધિત્વ કરવામાં આવ્યું છે.

જેમિશે મહારાષ્ટ્ર ઇન્સ્ટિટ્યૂટ ઑફ ટેકનોલોજી, પૂણેમાંથી IT એન્જિનિયરિંગ કર્યું છે. તેમનું પ્રથમ પ્રોજેક્ટ ‘મેઝ મિલીટિયા’ 10 મિલિયન ડાઉનલોડ હાંસલ કર્યા બાદ તેમણે 2020માં ચાર મિત્રો સાથે XSQUADS શરૂ કર્યું, જે આજે 40 કર્મચારીઓ સુધી વિસ્તરી ચૂકી છે.

ઉપલબ્ધિઓ:

* 'આત્મનિર્ભર ભારત એપ ઈનોવેશન ચેલેન્જ-2020'માં બીજો ક્રમ

* Tech India 2021 માં શ્રેષ્ઠ ટેક સ્ટાર્ટઅપ

* WAVES-2025 સમિટમાં ગુજરાત તરફથી એકમાત્ર પ્રતિનિધિત્વ

સ્કારફોલ એ ભારતની પહેલી સંપૂર્ણ રીતે ઇન્ડિયા-મેડ બેટલ રોયલ ગેમ છે, જેમાં 3D ગ્રાફિક્સ, પરફેક્ટ ગનશોટ સિસ્ટમ અને હાઈક્વોલિટી ઓડિયો સાથે વૈશ્વિક સ્તરે સ્પર્ધા કરવાની ક્ષમતા છે.

વિશ્વના 500 મિલિયન મોબાઈલ ગેમર્સમાંના 150 મિલિયન બેટલ શૂટિંગ ગેમ રમે છે, અને ભારત આ ઉદ્યોગમાં આગલું સ્થાન લઈ શકે છે. જેમિશનું વિઝન છે કે **ગુજરાત અને ભારતને ગ્લોબલ ગેમિંગ મેપમાં સ્થાન મળે.**

XSQUADS હવે સ્કારફોલનું અપગ્રેડ વર્ઝન ‘સ્કારફોલ 2.0’ લોન્ચ કરવા જઇ રહી છે, જ્યારે કંપનીમાં હવે ગેમ ડેવલપમેન્ટથી માંડીને માર્કેટિંગ સુધીના વિવિધ રોલ્સમાં યુવાન ટેલેન્ટ કાર્યરત છે.

---------------

હિન્દુસ્થાન સમાચાર / યજુવેન્દ્ર દુબે