- હિન્દુ સમાજ શ્રી

કૃષ્ણ જન્મભૂમિને મુક્ત કરવા માટે સંપૂર્ણપણે સક્ષમ છે, પરંતુ બંધારણ અને

કાયદા દ્વારા આપણે એક દિવસ ત્યાં ચોક્કસ મંદિર બનાવીશું: ડૉ. બાલમુકુંદ પાંડે

- વિધાનસભા અધ્યક્ષ વિજેન્દ્ર ગુપ્તા અને સાધ્વી ઋતંભરાએ,

આપણી પ્રેરણા સ્ત્રોત: દ્વાપર કે શ્રી કૃષ્ણ પુસ્તકનું વિમોચન કર્યું.

નવી દિલ્હી, 17 જૂન (હિ.સ.) પરમ શક્તિપીઠના પ્રમુખ સાધ્વી

ઋતંભરાએ જણાવ્યું હતું કે,” એક દિવસ કૃષ્ણ જન્મભૂમિ પર ભગવાન કૃષ્ણનું મંદિર

ચોક્કસ બનશે અને ટૂંક સમયમાં આ નિર્ણય કોર્ટમાંથી બધાની સામે આવશે.” તેમણે સોમવારે

દિલ્હી વિધાનસભા અધ્યક્ષ વિજેન્દ્ર ગુપ્તા સાથે આપણી પ્રેરણા સ્ત્રોત:

દ્વાપર કે શ્રી કૃષ્ણ પુસ્તકના વિમોચન પ્રસંગે આ વાત કહી.

આ પુસ્તકનું વિમોચન દિલ્હીમાં શ્રી અખિલ ભારતીય શ્વેતાંબર

સ્થાનકવાસી જૈન પરિષદના કેન્દ્રીય કાર્યાલય (જૈન ભવન) ના સભાગૃહમાં થયું. આ પુસ્તક

લેખક દીપક કુમાર દ્વારા લખવામાં આવ્યું છે.

ઉદ્ઘાટન સમારોહમાં, સાધ્વી ઋતંભરા ખાસ મહેમાન તરીકે ઉપસ્થિત રહ્યા હતા, જેમાં શ્રી અખિલ

ભારતીય શ્વેતાંબર સ્થાનકવાસી જૈન પરિષદના રાષ્ટ્રીય અધ્યક્ષ અતુલ જૈન અને

મહામંત્રી ડૉ. અમિતરાય જૈન,

અખિલ ભારતીય

ઇતિહાસ સંકલન યોજનાના રાષ્ટ્રીય સંગઠન સચિવ ડૉ. બાલમુકુંદ પાંડે, દિલ્હી

વિધાનસભાના અધ્યક્ષ વિજેન્દ્ર ગુપ્તા, વરિષ્ઠ વકીલ વિષ્ણુ શંકર જૈન, જૈન પરિષદના રાષ્ટ્રીય સંયોજક પ્રશાંત જૈન અને

અન્ય ઘણા મહાનુભાવો હાજર રહ્યા હતા.

દીપ પ્રગટાવીને શરૂ થયેલા સમારોહને સંબોધતા, જૈન પરિષદના

રાષ્ટ્રીય અધ્યક્ષ અતુલ જૈને, ભગવાન કૃષ્ણ સાથે સંબંધિત ઘણી ઘટનાઓ રજૂ કરી અને

જણાવ્યું કે,” જૈન ધર્મના 22મા તીર્થંકર

અરિષ્ટનેમીજી ભગવાન કૃષ્ણના પિતરાઈ ભાઈ હતા.” તેમણે કહ્યું કે,” ભગવાન કૃષ્ણ આપણા

બધા માટે આદર્શ છે અને પુસ્તકના રૂપમાં, એક એવું સંશોધન પુસ્તક દરેકની સામે છે, જેના દ્વારા

ભગવાન કૃષ્ણના જીવન દર્શનને સીધા સ્વરૂપમાં જાણી અને સમજી શકાય છે.”

સમારોહમાં, અખિલ ભારતીય ઇતિહાસ સંકલન યોજનાના રાષ્ટ્રીય સંગઠન સચિવ, ડૉ. બાલમુકુંદ

પાંડેએ મથુરામાં શ્રી કૃષ્ણ જન્મભૂમિ વિશે ચર્ચા કરતા જણાવ્યું હતું કે,”વિશ્વમાં રહેતો

દરેક હિન્દુ અને હિન્દુ સમાજ શ્રી કૃષ્ણ જન્મભૂમિને મુક્ત કરવા માટે સંપૂર્ણ રીતે

સક્ષમ છે, પરંતુ અમે બંધારણ

અને કાયદા દ્વારા એક દિવસ ત્યાં ચોક્કસ મંદિર બનાવીશું.”

તેમણે કહ્યું કે,” દરેક વ્યક્તિ ભક્તિથી ભગવાન કૃષ્ણને

જાણવાનો પ્રયાસ કરે છે, પરંતુ સત્ય એ છે

કે, ભગવાન કૃષ્ણને જીવી શકાય છે, પરંતુ ભગવાન રામને જીવવા મુશ્કેલ છે.” પુસ્તક સાથે જોડાયેલી

ઘટનાઓની ચર્ચા કરતા તેમણે કહ્યું કે,” આ પુસ્તક સંશોધન કરનારા વિદ્વાનો માટે ખૂબ જ

ઉપયોગી સાબિત થશે, તેમાં કોઈ શંકા

નથી.”

દિલ્હી વિધાનસભાના અધ્યક્ષ વિજેન્દ્ર ગુપ્તાએ કહ્યું કે,”

ભગવાન કૃષ્ણ સાથે સંબંધિત તથ્યો પર કેન્દ્રિત આ પુસ્તકની બીજી આવૃત્તિ છે. આ

પુસ્તક ભગવાન કૃષ્ણને નવા અવતાર તરીકે સમજવા માટે પ્રેરણારૂપ બનશે. તે સ્ત્રોત

બનશે.” સમારોહમાં, વરિષ્ઠ વકીલ

વિષ્ણુ શંકર જૈને શ્રી કૃષ્ણ જન્મભૂમિ સંબંધિત કેસોની વિગતવાર માહિતી આપી અને

કહ્યું કે,” સુપ્રીમ કોર્ટમાં લડાઈ ચાલી રહી છે. ભગવાન કૃષ્ણ પોતે જોઈ રહ્યા છે. એ

દિવસ દૂર નથી જ્યારે મથુરામાં પણ પ્રાણ પ્રતિષ્ઠા થશે.”

સમારોહનું સમાપન કરતી વખતે, ખાસ મહેમાન સાધ્વી ઋતંભરાએ કહ્યું કે,” ભારતમાં

ઇતિહાસને મિથક અને દંતકથા કહીને ઝેર તરીકે રજૂ કરવામાં આવ્યો હતો. આપણા પૂર્વજોને

તેમના જ ઘરમાં શરણાર્થી કહીને તેમનું અપમાન કરવામાં આવ્યું હતું. આ નાટક આઝાદી

પહેલા અને પછી પણ ચાલુ રહ્યું. સનાતનીઓને ધર્મથી દૂર કરવા માટે એક ષડયંત્ર રચવામાં

આવ્યું હતું, જેનો આપણે ભોગ

બન્યા, પરંતુ એ યાદ

રાખવું પડશે કે, આપણે મૂળ સાથે જોડાઈને જ જીવંત રહીશું. અયોધ્યામાં શ્રી રામ મંદિર

આપણને તે લોકોની યાદ અપાવે છે જેમણે મંદિર માટે પોતાના જીવનું બલિદાન આપ્યું હતું.

અયોધ્યાની જેમ, એક દિવસ ભગવાન

કૃષ્ણનું મંદિર પણ ચોક્કસ મથુરામાં બનશે. ટૂંક સમયમાં કોર્ટમાંથી આ નિર્ણય બધાની

સામે આવશે.”

હિન્દુસ્થાન સમાચાર / ધીરેન્દ્ર યાદવ / પ્રભાત મિશ્રા

હિન્દુસ્થાન સમાચાર / માધવી વ્યાસ