-50 મીટર ફ્રી સ્ટાઇલ, 50 મીટર બેકસ્ટ્રોક અને 100 મીટર બ્રેસ્ટ સ્ટ્રોકનો સમાવેશ થાય છે

-ગોવા ખાતે માસ્ટર્સ ઇવેન્ટ પ્રતિષ્ઠિત રાષ્ટ્રીય સ્તરની સ્વિમિંગ ચેમ્પિયનશિપ યોજાય હતી

-સિંગાપોરમાં જુલાઈ/ઓગસ્ટ FINA વર્લ્ડ માસ્ટર્સ એક્વેટિક ચેમ્પિયનશિપ માટે ક્વોલિફાઈ થયા છે

ભરૂચ 18 જૂન (હિ.સ.) કોંઢ સ્થિત ચંદ્રબાલા મોદી એકેડમીના અડધી સદી વટાવી ચૂકેલા શિક્ષિકાએ સ્વિમિંગ પ્રતિયોગિતામાં ત્રણ ગોલ્ડ મેડલ મેળવ્યા છે.કહેવાય છે કે કઈ હાંસલ કરવા ઉંમરનો કોઈ બાધ નથી તેમ આ શિક્ષિકા એવા ગીતાંજલિ બાબુ વટ્ટાથિલે સાબિત કરી બતાવ્યું છે.ગોવામા માસ્ટર્સ ઇવેન્ટમાં પ્રતિષ્ઠિત રાષ્ટ્રીય સ્તરની સ્વિમિંગ ચેમ્પિયનશિપમાં ત્રણ ગોલ્ડ મેડલ જીત્યા છે એમાં 50 મીટર ફ્રી સ્ટાઇલ, 50 મીટર બેકસ્ટ્રોક અને 100 મીટર બ્રેસ્ટ સ્ટ્રોકનો સમાવેશ થાય છે.

આ કોઈ સામાન્ય સિદ્ધિ નથી તેમના અવિરત સમર્પણ, અવિશ્વસનીય શિસ્ત અને અસાધારણ એથ્લેટીક કૌશલ્યનો જબરદસ્ત પુરાવો છે. તેમના પ્રદર્શનથી માત્ર વ્યક્તિગત ગૌરવ જ નહીં પરંતુ સીએમએ સંસ્થાના સામૂહિક ગૌરવમાં એક સુવર્ણ પ્રકરણ પણ ઉમેરાયું છે.અંકલેશ્વરમાં રહેતા અને વાલિયા તાલુકાના કોંઢ ગામે ચંદ્રબાલા મોદી એકેડમીના ગીતાંજલી બાબુ વટ્ટાથિલને તેમની ઉત્કૃષ્ટ સિદ્ધિ મેળવી છે જેમાં ગોવામાં 30 મે થી 1 જૂન SBKF 12 મી રાષ્ટ્રીય રમતો 2025 માં સ્વિમિંગની ત્રણ અલગ અલગ કેટેગરીમાં 3 ગોલ્ડ મેડલ જીત્યા છે. વધુમાં તેણી સિંગાપોરમાં જુલાઈ/ઓગસ્ટ FINA વર્લ્ડ માસ્ટર્સ એક્વેટિક ચેમ્પિયનશિપ માટે ક્વોલિફાઈ થયા છે. તેણીને સતત સફળતા માટે શાળા પરિવાર વતી શુભેચ્છા પાઠવવામાં આવી છે . 52 વર્ષની ઉંમરે તેણીની નોંધપાત્ર સિદ્ધિ દર્શાવે છે કે જુસ્સો અને સમર્પણ કોઈ ઉંમર જાણતું નથી.ફિટનેસ, રમતગમત અને શ્રેષ્ઠતા પ્રત્યેની પ્રતિબદ્ધતા જીવનના કોઈપણ તબક્કે ખીલી શકે છે. ગીતાંજલિ બાબુ વિદ્યાર્થીઓ માટે જ નહીં પરંતુ સમગ્ર ફેકલ્ટી અને સ્ટાફ માટે પણ એક રોલ મોડેલ બની ગયા છે .

---------------

હિન્દુસ્થાન સમાચાર / અતુલકુમાર પટેલ