ગુવાહાટી (આસામ), નવી દિલ્હી, 22 જૂન (હિ.સ.)

શક્તિ અને તાંત્રિક પરંપરાઓની પૂજાનું જીવંત પ્રતીક, એટલે અંબુબાસી મેળો. ગુવાહાટીના માં કામાખ્યા ધામ

ખાતે, સંપૂર્ણ ભક્તિભાવ સાથે યોજાઈ રહ્યો છે. આ મેળો માત્ર ધાર્મિક આસ્થાનું

કેન્દ્ર નથી, પરંતુ સાંસ્કૃતિક

વિવિધતા અને અર્થતંત્ર માટે પણ મહત્વપૂર્ણ બની ગયો છે.

દર વર્ષે જૂન મહિનામાં ઉજવાતો આ ચાર દિવસનો ઉત્સવ, માં

કામાખ્યાના ઋતુકાળનું પ્રતીક છે. એવું માનવામાં આવે છે કે, આ સમય દરમિયાન દેવી

માસિક ધર્મમાં આવે છે, તેથી મંદિરના

ગર્ભગૃહના દરવાજા ત્રણ દિવસ માટે બંધ રહે છે.

આ ત્રણ દિવસ દરમિયાન, આસામમાં ખેતી અને ધાર્મિક પ્રવૃત્તિઓ પણ બંધ રાખવામાં આવે

છે. ભક્તો માને છે કે, આ ધરતી માતાના વિશ્રામનો સમય છે, અને તેમને કોઈપણ

રીતે ખલેલ પહોંચાડવી જોઈએ નહીં.”

ચોથા દિવસે, મંદિરનો દરવાજો ભવ્ય પૂજા સાથે ખોલવામાં આવે છે. આ પ્રસંગે, ભારત અને

વિદેશમાંથી લાખો ભક્તો, સંતો, અઘોરીઓ અને સાધકો

માતાના દર્શન કરવા માટે ઉમટે છે.

આ વર્ષે, 5 લાખથી વધુ ભક્તો હાજર રહે તેવી અપેક્ષા છે. આ વિશાળ ભીડને

ધ્યાનમાં રાખીને, રાજ્ય સરકારે

સુરક્ષા, આરોગ્ય, ભોજન અને આરામ

માટે વ્યાપક વ્યવસ્થા કરી છે.

મંદિર સંકુલ આ દિવસોમાં, અદ્ભુત આધ્યાત્મિક ઉર્જાથી ભરેલું

છે. ત્રિશૂળ, મંત્રોચ્ચાર અને

તાંત્રિક વિધિઓ સાથે સાધુઓ,

અઘોરીઓના દ્રશ્યો

એક અનોખો અનુભવ બનાવે છે,

જે અંબુબાશીને

અન્ય મેળાઓથી અલગ બનાવે છે. આ મેળો માત્ર ધાર્મિક નથી પણ, સ્થાનિક વ્યવસાય, પર્યટન અને

પરિવહન સેવાઓ માટે આર્થિક જીવનરેખા પણ બની ગયો છે.

સમય સાથે મેળો બદલાઈ રહ્યો છે, પરંતુ તેનો આત્મા

આજે પણ એ જ છે - શ્રદ્ધા,

નારી શક્તિ અને

પ્રકૃતિ ચક્રનો ભવ્ય ઉત્સવ,

જે ભારતના ઊંડા

આધ્યાત્મિક વારસાને જીવંત રાખે છે.

હિન્દુસ્થાન સમાચાર / શ્રીપ્રકાશ / સંજીવ પાશ

હિન્દુસ્થાન સમાચાર / માધવી વ્યાસ