નવી દિલ્હી, 22 જૂન (હિ.સ.). લોકસભાના અધ્યક્ષ ઓમ બિરલા 23 જૂન, 2025ના રોજ મુંબઈમાં સંસદ અને રાજ્યો/કેન્દ્રશાસિત પ્રદેશોના વિધાનસભાઓના રાષ્ટ્રીય અંદાજ સમિતિઓના રાષ્ટ્રીય પરિષદનું ઉદ્ઘાટન કરશે. આ પરિષદ સંસદની અંદાજ સમિતિની 75મી વર્ષગાંઠ નિમિત્તે આયોજિત થઈ રહી છે, જેમાં એક સંભારણું પણ બહાર પાડવામાં આવશે.

મહારાષ્ટ્રના મુખ્યમંત્રી દેવેન્દ્ર ફડણવીસ, નાયબ મુખ્યમંત્રીઓ એકનાથ શિંદે અને અજિત પવાર, મહારાષ્ટ્ર વિધાન પરિષદના અધ્યક્ષ પ્રો. રામ શંકર શિંદે, વિધાનસભાના અધ્યક્ષ રાહુલ નાર્વેકર અને સંસદની અંદાજ સમિતિના અધ્યક્ષ ડૉ. સંજય જયસ્વાલ ઉદ્ઘાટન સમારોહમાં હાજરી આપશે. સ્વાગત પ્રવચન શ્રી અર્જુન પંડિતરાવ ખોતકર દ્વારા આપવામાં આવશે, જ્યારે આભારવિધિ ડૉ. નીલમ ગોરહે દ્વારા આપવામાં આવશે.

આ પરિષદનો મુખ્ય વિષય છે: 'વહીવટમાં કાર્યક્ષમતા અને અર્થતંત્ર સુનિશ્ચિત કરવા માટે બજેટ અંદાજોના અસરકારક દેખરેખ અને સમીક્ષામાં અંદાજ સમિતિની ભૂમિકા'. આ બે દિવસીય કાર્યક્રમમાં વિવિધ મહાનુભાવો ચર્ચા કરશે.

સમાપન ભાષણ, મહારાષ્ટ્રના રાજ્યપાલ સી.પી. રાધાકૃષ્ણન 24 જૂન, 2025 ના રોજ આપશે, જેમાં લોકસભા અધ્યક્ષ, રાજ્યસભાના ઉપાધ્યક્ષ હરિવંશ અને અન્ય અગ્રણી નેતાઓ પણ સંબોધન કરશે. સમારોહમાં મહારાષ્ટ્ર વિધાનસભાના ઉપાધ્યક્ષ અન્ના દાદુ બનસોડે આભારવિધિ કરશે.

હિન્દુસ્થાન સમાચાર / અનૂપ શર્મા / સુનિત નિગમ

હિન્દુસ્થાન સમાચાર / માધવી વ્યાસ