જૂનાગઢ 16 જુલાઈ (હિ.સ.) આર.ટી.ઓ. કચેરી, જૂનાગઢના કાર્યક્ષેત્રમાં આવતા તમામ વાહન માટે નોન ટ્રાન્સપોર્ટમાં ટુ વિહ્લર વાહનોની સિરીઝ GJ-11-DA, ફોર વિહ્લર વાહનોમાં GJ-11-CQ, ટ્રાન્સપોર્ટ વાહનોમાં GJ-11-VV માં બાકી રહેલા નંબરોનું રી-ઓક્શન કરવામાં આવશે. જેની તમામ માહિતી અત્રે જણાવવામાં આવી છે.

આ પસંદગીના વાહન નંબર મેળવવા માટે ઈ- ઓકશન કરવામાં આવશે. ઉપરોક્ત ઈ- ઓકશનમાં ભાગ લેવા માટે રજીસ્ટ્રેશન તા.૨૧-૦૭-૨૦૨૫ ના રોજ ૦૪:૦૦ કલાકે શરૂ થશે અને તા.૨૩-૦૭-૨૦૨૫ ના રોજ ૦૪:૦૦ કલાકે બંધ થશે. પસંદગીના વાહન નંબર મેળવવા માટે ઈ- ઓકશન તા.૨૩-૦૭-૨૦૨૫ ના રોજ ૦૪:૦૦ કલાકે પ્રારંભ થશે અને તા.૨૫-૦૭--૨૦૨૫ ના રોજ ૦૪:૦૦ કલાકના પૂર્ણ થશે.

ગોલ્ડન નંબર સિરીઝમાં ૧, ૫, ૭, ૯, ૧૧, ૯૯, ૧૧૧, ૩૩૩, ૫૫૫, ૭૭૭, ૭૮૬, ૯૯૯, ૧૧૧૧, ૧૨૩૪, ૨૨૨૨, ૩૩૩૩, ૪૪૪૪, ૫૫૫૫, ૭૭૭૭, ૮૮૮૮, ૯૦૦૦, ૯૦૦૯, ૯૦૯૦, ૯૦૯૯, ૯૯૦૯, ૯૯૯૦ અને ૯૯૯૯ નો સમાવેશ થાય છે. તે માટેની ફી રૂ. ૮૦૦૦ રહેશે. ફોર વ્હીલર અને ટ્રાન્સપોર્ટ વાહનો માટેની ગોલ્ડ સિરીઝ નંબરની ફી રૂ.૪૦,૦૦૦ રહેશે.

સિલ્વર નંબર સિરીઝમાં ૨, ૩, ૪, ૮, ૧૦, ૧૮, ૨૭, ૩૬, ૪૫, ૫૪, ૬૩, ૭૨, ૮૧, ૯૦, ૧૦૦, ૧૨૩, ૨૦૦, ૨૨૨, ૨૩૪, ૩૦૦, ૩૦૩, ૪૦૦, ૪૪૪, ૪૫૬, ૫૦૦, ૫૬૭, ૬૦૦, ૬૭૮, ૭૦૦, ૭૮૯, ૮૦૦, ૮૮૮, ૯૦૦, ૯૦૯, ૧૦૦૦, ૧૦૦૧, ૧૦૦૮, ૧૧૮૮, ૧૮૧૮, ૧૮૮૧, ૨૦૦૦, ૨૩૪૫, ૨૫૦૦, ૨૭૨૭, ૨૭૭૨, ૩૦૦૦, ૩૪૫૬, ૩૬૩૬, ૩૬૬૩, ૪૦૦૦, ૪૪૫૫, ૪૫૪૫, ૪૫૫૪, ૪૫૬૭, ૫૦૦૦, ૫૦૦૫, ૫૪૦૦, ૫૪૪૫, ૫૪૫૪, ૬૦૦૦, ૬૩૩૬, ૬૩૬૩, ૬૭૮૯, ૭૦૦૦, ૭૦૦૭, ૭૨૨૭, ૭૨૭૨, ૮૦૦૦, ૮૦૦૮, ૮૦૫૫, ૮૧૧૮, અને ૮૧૮૧ નો સમાવેશ થાય છે. તેની ફી રૂ.૩૫૦૦ રહેશે. ફોર વ્હીલર અને ટ્રાન્સપોર્ટ વાહનો માટેની ફી રૂ.૧૫૦૦૦ રહેશે.

અત્રે દર્શાવેલ સિરીયલ નંબર (૧) અને (૨) સિવાયના નંબરના વાહનો માટેની ફી રૂ.૨૦૦૦ છે. તેમજ ફોર વ્હીલર અને ટ્રાન્સપોર્ટ વાહનો માટેની ફી રૂ.૮૦૦૦ રહેશે. પસંદગીનો નંબર મેળવવા ઇચ્છતા વાહન માલિકોએ તેમના વાહનોનું રજીસ્ટ્રેશન કરાવીને પસંદગીના નંબર મેળવવા માટે https://fancy.parivahan.gov.in આ વેબસાઇટ ઉપર જઈને નોંધણી, યુઝર આઈ.ડી. અને પાસવર્ડ તૈયાર કરવાના રહેશે.

ત્યારબાદ વાહન વ્યવહાર કમિશ્નરની કચેરીના પરિપત્રની દર્શાવેલી સૂચનાઓ મુજબ હરાજીની પ્રક્રિયામાં ભાગ લેવાનો રહેશે. પસંદગીના નંબર મેળવવા માટેની અરજી સેલ ઇન વોઇસની તારીખ અથવા વીમાની તારીખ એ બેમાંથી એક જે વહેલું હોઈ તે તારીખથી સાત દિવસની અંદર રજૂ કરવાની રહેશે.

આ અરજી કર્યાની તારીખથી ૬૦ દિવસ સુધી અમલી ગણાશે. આ રીતે ૬૦ દિવસમાં અરજદાર ચોઇસનો કોઇ નંબર નહીં મેળવે અથવા ઉપલબ્ધ નંબરોમાંથી અરજદારને પસંદગીનો નંબર ફાળવી શકાશે નહીં તો અરજી તારીખથી ગણતા ૬૦ માં દિવસે એટલે કે છેલ્લા દિવસે રજિસ્ટરીંગ ઓથોરિટી દ્વારા રેન્ડમ પદ્ધતિથી નંબર ફાળવી દેવામાં આવશે.

જેની સામે અરજદાર કોઇ વાંધો લઇ શકશે નહીં. અરજદારએ હરાજીની પ્રક્રિયા પૂર્ણ થયાના પાંચ દિવસમાં બીડ અમાઉન્ટના નાણાં જમા કરાવવાના રહેશે. અરજદાર જો આ નિયત સમય મર્યાદામાં નાણાં ચૂકવવામાં નિષ્ફળ જશે તો મૂળ ભરેલી રકમ/ base price જપ્ત કરીને જે તે નંબરની ફરીવાર હરાજી કરવામાં આવશે.

ઓનલાઇન ઈ- ઓક્શન દરમિયાન અરજદારશ્રીએ આર.બી.આઇ. દ્વારા નક્કી કરાયેલા દરે ચાર્જ ચૂકવવાનો રહેશે. અસફળ અરજદારને રિફંડ માટેની હાલની મેન્યુઅલ પદ્ધતિ પ્રમાણે નાણાં પરત કરવાના હોવાથી નેટ બેંકિંગ, ક્રેડિટ કાર્ડ કે ડેબિટ કાર્ડથી ચૂકવણું કર્યું હોય તે જ મોડ ઓફ પેમેન્ટથી નાણાં અરજદારને ખાતામાં એસબીઆઈ ઇ-પેય દ્વારા પરત કરવામાં આવશે. તેમ પ્રાદેશિક વાહન વ્યવહાર અધિકારી જૂનાગઢની યાદીમાં જણાવવામાં આવ્યું છે.

---------------

હિન્દુસ્થાન સમાચાર / ભરતસિંહ જાદવ