નવી દિલ્હી, 2 જુલાઈ (હિ.સ.). ભૂતપૂર્વ કેન્દ્રીય મંત્રી અને કેરળ ભાજપ પ્રમુખ રાજીવ ચંદ્રશેખરે, કોંગ્રેસ પાર્ટી પર નિશાન સાધ્યું છે. તેમણે કહ્યું કે, નીલાંબુર પેટાચૂંટણીમાં કોંગ્રેસે ખુલ્લેઆમ જમાત-એ-ઇસ્લામીનો ટેકો લીધો અને જીત મેળવી. તેમણે કહ્યું કે, એક તરફ કોંગ્રેસના લોકો બંધારણ હાથમાં લઈને ફરે છે, ધર્મનિરપેક્ષતાની વાત કરે છે, પરંતુ સત્ય એ છે કે રાષ્ટ્રવિરોધી અને અલોકતાંત્રિક પક્ષ કોંગ્રેસ અને ઈન્ડી ગઠબંધન તકવાદી રાજકારણ કરે છે.

પૂર્વ કેન્દ્રીય મંત્રીએ બુધવારે દિલ્હીમાં ભાજપ મુખ્યાલયમાં આયોજિત એક પત્રકાર પરિષદ દરમિયાન આ વાતો કહી હતી. તેમણે કહ્યું કે, એક સંગઠન છે, જેની સ્થાપના 1941માં થઈ હતી. ઘણા વર્ષોથી આ સંગઠન વિશે એવું કહેવામાં આવે છે કે, તે રાષ્ટ્રવિરોધી સંગઠન છે. આ સંગઠનનું નામ, જમાત-એ-ઇસ્લામી છે. જે ધર્મનિરપેક્ષતા અને લોકશાહીની વિરુદ્ધ છે. કોંગ્રેસના લોકો પણ તેને ખતરનાક સંગઠન માનતા હતા, પરંતુ વાયનાડમાં પહેલીવાર કોંગ્રેસે ખુલ્લેઆમ જમાત-એ-ઇસ્લામીનો ટેકો લીધો અને કોંગ્રેસે ત્યાં ચૂંટણી જીતી.

કેરળ ભાજપના પ્રમુખે કહ્યું કે, 2018 માં, કોંગ્રેસના એક મુખ્યમંત્રીએ પોતે કોર્ટમાં કહ્યું હતું કે, જમાત-એ-ઇસ્લામી ખૂબ જ ખતરનાક સંગઠન છે. તેઓ ધર્મનિરપેક્ષ, બંધારણ વિરોધી છે અને લોકશાહી મૂલ્યોમાં માનતા નથી. આમ છતાં, નિલામ્બુર પેટાચૂંટણીમાં, કોંગ્રેસે પહેલીવાર ખુલ્લેઆમ જમાત-એ-ઇસ્લામીનો ટેકો સ્વીકાર્યો અને તેઓ તે ચૂંટણી જીતી ગયા. વર્ષોથી, જમાત-એ-ઇસ્લામી રાજકીય રીતે અલગ રહી, પરંતુ આ પહેલી વાર હતું જ્યારે કોંગ્રેસ ખુલ્લેઆમ તેની સાથે જોડાણ કર્યું. કોંગ્રેસ કોઈપણ કિંમતે જીતવા માટે એટલી ઉત્સુક છે કે હવે તે જમાત-એ-ઇસ્લામીને મુખ્ય પ્રવાહના રાજકારણમાં લાવવાનો પ્રયાસ કરી રહી છે.

ભાજપના નેતા રાજીવ ચંદ્રશેખરે કહ્યું કે, રાહુલ ગાંધીના ભૂતપૂર્વ મતવિસ્તાર અને પ્રિયંકા ગાંધીના વર્તમાન મતવિસ્તારમાં તાજેતરમાં થયેલી નિલામ્બુર પેટાચૂંટણીમાં, કોંગ્રેસે ખુલ્લેઆમ જમાત-એ-ઇસ્લામીનો ટેકો માંગ્યો હતો. તેમણે આરોપ લગાવ્યો કે, કોંગ્રેસ પક્ષ બંધારણની અવગણના કરે છે અને ભાજપ પર સાંપ્રદાયિક હોવાનો આરોપ લગાવે છે, પરંતુ સત્ય એ છે કે કોંગ્રેસ અને તેનું સાચા રાષ્ટ્રવિરોધી, લોકશાહી વિરોધી અને બંધારણવિરોધી પક્ષો સાથે જોડાણ તકવાદી રાજકારણ કરે છે.

હિન્દુસ્થાન સમાચાર / વિજયાલક્ષ્મી / વીરેન્દ્ર સિંહ

હિન્દુસ્થાન સમાચાર / માધવી વ્યાસ