જમ્મુ, નવી દિલ્હી, 02 જુલાઈ (હિ.સ.)

જમ્મુ અને કાશ્મીરના લેફ્ટનન્ટ ગવર્નર મનોજ સિન્હાએ આજે, ​​શ્રી અમરનાથ યાત્રા પર

જઈ રહેલા યાત્રાળુઓના પહેલા જથ્થાને લીલી ઝંડી આપી. આ સાથે જ અમરનાથ યાત્રા શરૂ

થઈ. લેફ્ટનન્ટ ગવર્નર સિન્હાએ આ પહેલા, જમ્મુના યાત્રી નિવાસ બેઝ કેમ્પમાં

પૂજા-અર્ચના કરી હતી. યાત્રાળુઓ બેઝ કેમ્પ છોડતાની સાથે જ હર-હર મહાદેવ અને બમ-બમ

ભોલેના નારા ગુંજી ઉઠ્યા.

જમ્મુના ભગવતી નગર બેઝ કેમ્પથી, કડક સુરક્ષા વચ્ચે આજે

સવારે કુલ 5892 શ્રદ્ધાળુઓ ઘાટી

માટે રવાના થયા. આમાંથી 2487 શ્રદ્ધાળુઓ બાલટાલ

રૂટ માટે રવાના થયા, જ્યારે 3403 પહેલગામ રૂટ માટે રવાના થયા. કાશ્મીર ઘાટીથી, શ્રી

અમરનાથની પવિત્ર ગુફાની યાત્રા, 3 જુલાઈથી શરૂ થશે. યાત્રા બાલટાલ અને પહેલગામ રૂટથી

ચલાવવામાં આવી રહી છે. જમ્મુ-શ્રીનગર હાઇવે યાત્રાળુઓ માટે મંદિર સુધી પહોંચવાનો

મુખ્ય માર્ગ છે.

અમરનાથ યાત્રાળુઓના પહેલા બેચનો ભાગ રહેલી શાલુએ કહ્યું કે,”

ઉત્તમ વ્યવસ્થા કરવામાં આવી છે. તે સંપૂર્ણપણે સુરક્ષિત અનુભવે છે.” અન્ય એક ભક્ત

આકાંક્ષાએ કહ્યું કે,” અમે પહેલા બેચનો ભાગ બનવાનું આયોજન કર્યું હતું. અમને ડર

નહોતો અને અમને ખબર હતી કે સુરક્ષા પૂરતી હશે.” વ્યવસ્થા ખૂબ સારી છે. ભક્ત સુમન

ઘોષે કહ્યું કે,” અમે પ્રાર્થના કરીએ છીએ કે દરેકને શાંતિથી દર્શન મળે. ડરવાનું

કંઈ નથી. ભારતીય સેના અને અન્ય સુરક્ષા દળો અહીં હાજર છે.”

આ પ્રસંગે, લેફ્ટનન્ટ ગવર્નર મનોજ સિંહાએ કહ્યું કે,” જમ્મુ અને

કાશ્મીર વહીવટીતંત્ર, શ્રી અમરનાથ

શ્રાઇન બોર્ડ અને જમ્મુ અને કાશ્મીરના રહેવાસીઓએ યાત્રાળુઓ માટે પોતાની ફરજો સારી

રીતે નિભાવી છે. 2022 થી, અમરનાથ યાત્રા

માટે આવતા ભક્તો માટે સુવિધાઓમાં સુધારો કરવામાં આવ્યો છે. ગુફા તરફ જતા બંને

માર્ગો પહેલા છ ફૂટ પહોળા હતા, જે હવે 12 ફૂટ પહોળા છે. પહેલા માર્ગ પર અંધારું હતું, હવે ગ્રીડ

કનેક્ટિવિટી સ્થાપિત કરવામાં આવી છે.”

તેમણે કહ્યું કે,” સમગ્ર માર્ગમાં ટેલિકોમ્યુનિકેશન

કનેક્ટિવિટી કરવામાં આવી છે. યાત્રાના લાઇવ ફીડ માટે, ઉચ્ચ ગુણવત્તાવાળા કેમેરા

સ્થાપિત કરવામાં આવ્યા છે. રાજભવન સ્થિત ઇન્ટિગ્રેટેડ કમાન્ડ એન્ડ કંટ્રોલ સેન્ટર

અને પોલીસ કંટ્રોલ રૂમ દ્વારા યાત્રાનું 24/7 નિરીક્ષણ કરવામાં આવશે. આરએફઆઈડીઆધારિત ટ્રેકિંગ

સિસ્ટમ સ્થાપિત કરવામાં આવી છે.”

ભાજપના નેતા સત શર્માએ જણાવ્યું હતું કે,” હજારો શ્રદ્ધાળુઓ

અહીં બાબા અમરનાથના દર્શન માટે આવ્યા છે. બે મહિના પહેલા વાતાવરણ અલગ હતું પરંતુ

આજે આપણે જોઈ શકીએ છીએ કે, ભક્તો બાબા ભોલેના નારા કેવી રીતે લગાવી રહ્યા છે.

લોકોને વિશ્વાસ છે કે, તેઓ સુરક્ષિત હાથમાં છે.”

હિન્દુસ્થાન સમાચાર/બલવાન સિંહ/મુકુંદ

હિન્દુસ્થાન સમાચાર / ડો.હિતેશ એન.વ્યાસ