- ભાવનગર જિલ્લા પોલીસ દળમાં મોટાપાયે બદલી 8 PI અને 3 PSIની બદલી

ભાવનગર, 31 જુલાઈ (હિ.સ.) ભાવનગર જિલ્લાના પોલીસ દળમાં મોટા પાયે ફેરફાર કરાયો છે. જિલ્લા પોલીસ વડા Dr. હર્ષદ પટેલ દ્વારા બહાર પાડવામાં આવેલા જાહેરનામા મુજબ કુલ 8 પોલીસ ઇન્સ્પેક્ટર (PI) અને 3 પોલીસ સબ ઇન્સ્પેક્ટર (PSI)ની બદલી કરવામાં આવી છે.

મહુવાના PI તરીકે કાર્યરત રહેલા એચ.જી. ભરવાડને હાલ માટે લીવ રિઝર્વમાં મોકલવામાં આવ્યા છે. તેમની જગ્યાએ કે.એસ. પટેલની મહુવા PI તરીકે નવી નિમણૂક કરાઈ છે. બીજી તરફ, બગદાણાના PI પી.એલ. ધામાને પણ લીવ રિઝર્વમાં મોકલાયા છે.

PI લેવલે 6 અધિકારીઓની અરસ-પરસ બદલી કરવામાં આવી છે. આ બદલીઓનો હેતુ કાર્યક્ષમતા વધારવો અને જિલ્લાના વિવિધ પોલીસ સ્ટેશનોમાં નવી ઊર્જા લાવવાનો છે. PSI લેવલે પણ મોટાખૂટવડાના PSI આર.જે. યાદવ સહિત ત્રણ PSIની અરસ-પરસ બદલી કરાઈ છે.

આ બદલીઓથી જિલ્લાના પોલીસ દળમાં કામગીરીની દિશા અને ગતિમાં નવો ઉપક્રમ જોવા મળી શકે છે. પોલીસ વિભાગમાં સમયાંતરે આવતી આવક મુજબ બદલીઓ થતી રહે છે, જે અસરકારક આયોજન અને શિસ્તબદ્ધ કામગીરી માટે જરૂરી ગણાય છે.

ડૉ. હર્ષદ પટેલે જણાવ્યું કે, બદલીઓ આરોગ્યદાયક કામગીરીના ભાગરૂપે કરવામાં આવે છે. આ નિર્ણયથી પોલીસ દળ વધુ મજબૂત બનશે અને નાગરિકોને વધુ સારી સેવા મળી રહેશે.

આ ફેરફારના પગલે જિલ્લાના વિવિધ પોલીસ મથકોમાં નવી ટીમો કાર્યભાર સંભાળશે અને કાયદો વ્યવસ્થા વધુ દ્રઢ બનાવશે.

હિન્દુસ્થાન સમાચાર / Gondaliya Abhishek Nandrambhai