મહેસાણા , 10 ઓગસ્ટ (હિ.સ.) : આજ રોજ દેવીપૂજક સામાજિક અને શૈક્ષણિક સંગઠન દ્વારા મહેસાણા ખાતે ભવ્ય સન્માન સમારોહનું આયોજન કરવામાં આવ્યું. કાર્યક્રમમાં તેજસ્વી તારલા, નિવૃત્ત કર્મચારી તેમજ નવીન કર્મચારીઓનું સન્માન કરવામાં આવ્યું. સમાજના પ્રગતિશીલ કાર્યકર્તાઓ અને પ્રતિભાશાળી વ્યક્તિઓને મંચ પર બોલાવી શાલ, શ્રીફળ અને સ્મૃતિચિહ્ન આપી સન્માનિત કરવામાં આવ્યા.

આ અવસરે કાર્યક્રમમાં ધારાસભ્યની વિશેષ ઉપસ્થિતિ રહી, જેમણે સમાજના એકતા, શિક્ષણ પ્રત્યેની પ્રતિબદ્ધતા અને સેવા ભાવનાને બિરદી. તેમણે પોતાના સંબોધનમાં જણાવ્યું કે, સમાજના યુવાઓએ શિક્ષણ, રોજગાર અને સમાજસેવાના ક્ષેત્રે આગળ વધીને નવી ઊંચાઈઓ સર કરવી જોઈએ.

સન્માન સમારોહમાં સમાજના અગ્રણીઓ, કાર્યકર્તાઓ અને મોટી સંખ્યામાં સમાજજનો હાજર રહ્યા. કાર્યક્રમ દરમિયાન સમાજની વિવિધ પ્રવૃત્તિઓ અને ભવિષ્યના આયોજન અંગે પણ માહિતી આપવામાં આવી.

ધારાસભ્યએ પોતાના સંદેશમાં યુવાનોને પ્રેરણા આપતા જણાવ્યું કે, સન્માન એ માત્ર વ્યક્તિ માટે નહીં, પરંતુ સમગ્ર સમાજના ગૌરવ માટેનું પ્રતિબિંબ છે. અંતે, આયોજકો તરફથી તમામ મહેમાનો, ઉપસ્થિત આગેવાનો તથા સહભાગી તમામને હૃદયપૂર્વક આભાર વ્યક્ત કરવામાં આવ્યો.

હિન્દુસ્થાન સમાચાર / RINKU AMITKUMAR THAKOR