ભાવનગર, 13 ઓગસ્ટ (હિ.સ.) પશ્ચિમ રેલવેના ભવનગર મંડળ પર સ્વચ્છતા અભિયાન – 2025 અંતર્ગત 12 ઓગસ્ટ, 2025 (મંગળવાર)ના રોજ સઘન સ્વચ્છતા અભિયાન ચલાવવામાં આવ્યું. ભવનગર મંડળના વરિષ્ઠ મંડળ વાણિજ્ય પ્રબંધક શ્રી અતુલ કુમાર ત્રિપાઠીના જણાવ્યા અનુસાર મંગળવારે ભવનગર ટર્મિનસ સ્ટેશન પર Sneha Foundation (NGO)ના સહયોગથી સઘન સ્વચ્છતા અભિયાન ચલાવવામાં આવ્યું. આ સ્વચ્છતા અભિયાનમાં સ્નેહા ફાઉન્ડેશનના સ્વયંસેવી બાળકોએ ભાગ લઈને શ્રમદાન કર્યું. સ્વચ્છતા અભિયાનમાં ભાગ લેનારા તમામ બાળકોને સ્વચ્છતા, કચરા વિભાજન અને પ્લાસ્ટિક મુક્ત આદતો અંગે જાગૃત કરવામાં આવ્યા.

સ્વચ્છતા અભિયાનમાં ભાગ લેનારા બાળકોને સ્વચ્છતા જાળવવા, ગંદકી ન ફેલાવવા અને સ્વચ્છતા જાળવવામાં સહયોગ આપવા માટે પ્રેરિત કરવામાં આવ્યા. તેમને સમજાવવામાં આવ્યું કે આપણે પોતે ગંદકી ન કરવી અને બીજાને પણ ગંદકી કરવા અટકાવવું પડશે, ત્યારે જ આપણું ઘર, પાડોશ, સ્ટેશન અને દેશ સ્વચ્છ બની શકશે. સાથે જ સ્ટેશનો પર મુકાયેલા ત્રણ અલગ રંગના ડસ્ટબિન વિશે પણ સમજાવવામાં આવ્યું અને જણાવાયું કે સુકો કચરો અલગ અને ભીનો કચરો અલગ ડસ્ટબિનમાં નાખવો જોઈએ.

ભવનગર મંડળ પર ચલાવવામાં આવી રહેલા સઘન સ્વચ્છતા અભિયાન અંતર્ગત 12 ઓગસ્ટ, 2025 (મંગળવાર)ના રોજ ભવનગર ટર્મિનસ સ્ટેશન સાથે ભવનગર મંડળમાં આવેલી તમામ ખાણીપીણીની યુનિટોમાં સઘન સફાઈનું વિશેષ અભિયાન ચલાવવામાં આવ્યું. ભવનગર ટર્મિનસ સ્ટેશન પર વાણિજ્ય અને તબીબી વિભાગ દ્વારા ભવનગર–કોચીવેલી એક્સપ્રેસ ટ્રેનના પેન્ટ્રી કાર સ્ટાફને સ્વચ્છતાની શપથ અપાવવામાં આવી અને સ્વચ્છતા અંગે જાગૃત કરવામાં આવ્યા.

---------------

હિન્દુસ્થાન સમાચાર / ભરતસિંહ જાદવ