પોરબંદર, 13 ઓગસ્ટ (હિ.સ.): પોરબંદરની વિ જે મદ્રેસા સ્કૂલમાં હર ઘર તિરંગા અંતર્ગત રેલી સહિતના કાર્યક્રમ યોજાયા હતા.પોરબંદરમાં રાજ્યકક્ષાના સ્વાતંત્ર્ય પર્વની ઉજવણીનું આયોજન થઈ રહ્યું છે, ત્યારે વિવિધ સંસ્થા અને શાળાઓમાં પણ રંગબેરંગી દેશભક્તિના કાર્યક્રમો યોજવામાં આવી રહ્યા છે. શહેરમાં આવેલ વિ જે મદ્રેસા સ્કૂલ ખાતે હર ઘર તિરંગા અંતર્ગત રેલી સહિતના કાર્યક્રમનું આયોજન કરવામાં આવ્યું હતું.

જેમાં હર ઘર તિરંગા વિશે વિદ્યાર્થીઓને પ્રિન્સિપાલ અમૃતાબેન સોલંકી દ્વારા માર્ગદર્શન આપવામાં આવ્યું હતું, અને શહેરના રાજમાર્ગો ઉપર વિ જે મદ્રેસા સંકુલના વિદ્યાર્થીઓએ રેલી યોજી હતી. જેમાં મોટી સંખ્યામાં વિદ્યાર્થી અને સ્ટાફ સહિત જોડાયા હતા.

---------------

હિન્દુસ્થાન સમાચાર / Tejas Pravinbhai Dholariya