પોરબંદર, 14 ઓગસ્ટ (હિ.સ.)પોરબંદર જિલ્લાના કુતિયાણા તાલુકામાં આવેલ કોટડા ગામની સરકારી માધ્યમિક શાળા ખાતે 15 મી ઓગસ્ટ અંતર્ગત શાળામાં વેશભૂષા સ્પર્ધનું આયોજન કરવામાં આવ્યું હતું. રાજ્ય કક્ષાની 15મી ઓગસ્ટની ઉજવણી પોરબંદર જિલ્લામાં થઈ રહી છે. જેને લઈને વિવિધ કાર્યક્રમો શાળાઓમાં યોજવામાં આવી રહ્યા છે, ત્યારે સ્વાતંત્ર્ય પર્વની ઉજવણી અંતર્ગત કુતિયાણાના કોટડા ગામની શાળામાં વેશભૂષા સ્પર્ધા યોજવામાં આવી હતી. કોટડા માધ્યમિક અને ઉચ્ચતર માધ્યમિક શાળા ખાતે 15મી ઓગસ્ટ રાજ્ય કક્ષાની ઉજવણી અંતર્ગત યોજવામાં આવેલ વેશભૂષા સ્પર્ધામાં ધોરણ 9 થી 12 ના વિદ્યાર્થી ભાઈ બહેનોએ ભાગ લીધો હતો. આ તકે શાળાના સ્ટાફ દ્વારા સ્પર્ધામાં ભાગ લેનાર વિદ્યાર્થીઓને પ્રોત્સાહિત કરાયા હતા.

---------------

હિન્દુસ્થાન સમાચાર / Tejas Pravinbhai Dholariya