સોમનાથ 18 ઓગસ્ટ (હિ.સ.) મુખ્યમંત્રી ભૂપેન્દ્ર પટેલ પવિત્ર શ્રાવણ માસના અંતિમ સોમવારે બાર જ્યોતિર્લિંગમાંના પ્રથમ જ્યોતિર્લિંગ એવા સોમનાથ મહાદેવના દર્શનાર્થે સોમનાથ ખાતે આવી પહોંચતા, ત્રિવેણી હેલિપેડ ખાતે તેમનું ભાવભીનું સ્વાગત કરવામાં આવ્યું હતું.

હેલિપેડ ખાતે મુખ્યમંત્રીના સ્વાગત-સત્કાર માટે જિલ્લા પંચાયત પ્રમુખ મતી મંજૂલાબહેન મૂછાર, સર્વે ધારાસભ્ય પ્રદ્યુમનભાઈ વાજા, ભગવાન બારડ, કાળુભાઈ રાઠોડ, વેરાવળ-પાટણ સંયુક્ત નગરપાલિકા પ્રમુખ પલ્લવીબહેન જાની, કલેક્ટર એન.વી.ઉપાધ્યાય, આઈ.જી નિલેશ જાજડિયા, જિલ્લા વિકાસ અધિકારી સ્નેહલ ભાપકર, જિલ્લા પોલીસવડા મનોહરસિંહ જાડેજા, જિલ્લા અગ્રણી ઝવેરીભાઇ ઠકરાર, સંજય પરમાર, પૂર્વ સાંસદ દિનુભાઈ સોલંકી, પૂર્વ ધારાસભ્ય સર્વ ગોવિંદભાઈ પરમાર, જશાભાઈ બારડ, રાજશીભાઈ જોટવા, અગ્રણી મહેન્દ્રભાઈ પીઠિયા, માનસિંહ પરમાર સહિતના આગેવાનો ઉપસ્થિત રહ્યા હતાં.

---------------

હિન્દુસ્થાન સમાચાર / ભરતસિંહ જાદવ