મહેસાણા, 14 ઓગસ્ટ (હિ.સ.) મહેસાણા પોલીસ હેડ ક્વાર્ટરના ઓડિટોરિયમ હોલ ખાતે નવીન કાયદાઓ પૈકી ભારતીય ન્યાય સહિતા સહિતના તાજેતરમાં અમલમાં આવેલા મહત્વપૂર્ણ કાયદાઓ અંગે વિશેષ સેમિનારનું આયોજન કરવામાં આવ્યું. સેમિનારમાં પોલીસ વિભાગના અધિકારીઓ તથા કર્મચારીઓને કાયદાના સુધારા, અને પ્રાવધાનો અંગે વિસ્તૃત માર્ગદર્શન આપવામાં આવ્યું.
કાર્યક્રમનું સંચાલન કાયદા વિભાગના નિષ્ણાત વક્તાઓ દ્વારા કરવામાં આવ્યું, જેમણે ભારતીય ન્યાય સહિતા (BNS), ભારતીય સાક્ષ્ય અધિનિયમ તથા ભારતીય નાગરિક સુરક્ષા સંહિતા જેવા નવા કાયદાઓની તુલના જૂના કાયદાઓ સાથે કરી સમજાવી. વક્તાઓએ જણાવી્યું કે નવા કાયદાઓનો હેતુ ન્યાયપ્રણાલીને વધુ કાર્યક્ષમ, પારદર્શક અને સમયબદ્ધ બનાવવાનો છે.
સેમિનારમાં ખાસ કરીને ગુનાહિત પ્રવૃત્તિઓમાં ડિજિટલ પુરાવાના સ્વીકાર, મહિલા અને બાળકોની સુરક્ષા, ઝડપી ન્યાય પ્રણાલી અને સજા પ્રક્રિયામાં આવેલા ફેરફારો પર ભાર મૂકાયો. હાજર અધિકારીઓ અને કર્મચારીઓને કાયદા અમલમાં આવતી વખતે અનુસરવાની પ્રક્રિયા, દસ્તાવેજીકરણ અને પુરાવા સંકલનની પદ્ધતિઓ અંગે પ્રાયોગિક ઉદાહરણો સાથે માર્ગદર્શન આપવામાં આવ્યું.
આ અવસરે ઉપસ્થિત વરિષ્ઠ અધિકારીઓએ જણાવ્યું કે કાયદા અંગેનું અપડેટેડ જ્ઞાન દરેક પોલીસકર્મી માટે આવશ્યક છે, જેથી તેઓ નાગરિકોને ન્યાય આપવા માટે વધુ સક્ષમ બની શકે. સેમિનારના અંતે પ્રશ્નોત્તરી સત્ર યોજાયો જેમાં કર્મચારીઓએ પોતાના પ્રશ્નો રજૂ કર્યા અને નિષ્ણાતોએ સંતોષકારક જવાબ આપ્યા.
આ રીતે, મહેસાણા પોલીસ હેડ ક્વાર્ટરમાં યોજાયેલ આ સેમિનાર કાયદાના ક્ષેત્રમાં તાજેતરના પરિવર્તનો અંગે જાગૃતિ ફેલાવવા અને પોલીસ દળની કાર્યક્ષમતા વધારવા માટે મહત્વપૂર્ણ સાબિત થયો.
---------------
હિન્દુસ્થાન સમાચાર / RINKU AMITKUMAR THAKOR
