ભાવનગર 15 ઓગસ્ટ (હિ.સ.) રાજસ્થાનના ધોલા જિલ્લામાં ગતકાળે બનેલી ભયાનક માર્ગ અકસ્માતની ઘટનામાં 11 લોકોના દુર્ભાગ્યપૂર્ણ મોત થયા છે. મૃત યુપિના એક જ જિલ્લાનાં રહેવાસીઓ હોવાનું જાણવા મળ્યું છે. માહિતી મુજબ, રાજસ્થાનના ધોલા નજીક બારાત લઈને જઈ રહેલી ટ્રક અને બીજી વાહન વચ્ચે અથડામણ થતાં સ્થળ પર જ સાત બાળકો સહિત 11 લોકોના મૃત્યુ થયા હતા.

આ ઘટનાથી દુઃખી થઈ મોરારિબાપુએ મૃતકોને શ્રદ્ધાંજલિ અર્પણ કરી અને તેમના પરિવારજનોને પ્રત્યેક રૂ. 1,50,000 જેટલી કુલ રૂ. 16,50,000ની આર્થિક સહાય આપવા જાહેર કર્યું છે. આ સહાય રાશિ તાત્કાલિક ટ્રસ્ટ દ્વારા પહોંચાડવામાં આવશે.

તે ઉપરાંત, મુડાળા તાલુકાના શીરાણા ગામના આશાસ્પદ યુવાન મહેશ દાહીધારિયાનો પણ માર્ગ અકસ્માતમાં મોત થયું હતું. પુજ્ય મોરારિબાપુએ મહેશને શ્રદ્ધાંજલિ પાઠવી હતી અને તેના પરિવારને રૂ. 41,000ની સહાય આપી હતી.

પુજ્ય મોરારિબાપુના સેવાકાર્યો લોકોને સાંત્વના અને સહાય બંનેમાં સદાય આગેવાન રહ્યાં છે.

---------------

હિન્દુસ્થાન સમાચાર / Gondaliya Abhishek Nandrambhai