નવી દિલ્હી, 16 ઓગસ્ટ (હિ.સ.). ભારતે અલાસ્કામાં અમેરિકાના રાષ્ટ્રપતિ ડોનાલ્ડ ટ્રમ્પ અને રશિયાના રાષ્ટ્રપતિ વ્લાદિમીર પુતિન વચ્ચે થયેલી શિખર બેઠકનું સ્વાગત કર્યું છે અને પુનરોચ્ચાર કર્યો છે કે રશિયા-યુક્રેન યુદ્ધનો ઉકેલ ફક્ત વાતચીત અને રાજદ્વારી દ્વારા જ મળી શકે છે.

વિદેશ મંત્રાલયના પ્રવક્તા રણધીર જયસ્વાલે શનિવારે એક નિવેદનમાં જણાવ્યું હતું કે, શાંતિ માટે બંને નેતાઓ દ્વારા કરવામાં આવેલા પ્રયાસો ખૂબ જ પ્રશંસનીય છે.

પ્રવક્તાએ કહ્યું, ભારત આ શિખર બેઠકમાં થયેલી પ્રગતિની પ્રશંસા કરે છે. આગળનો રસ્તો ફક્ત વાતચીત અને રાજદ્વારી દ્વારા જ શોધી શકાય છે. વિશ્વ સમુદાય યુક્રેનમાં ચાલી રહેલા સંઘર્ષનો વહેલાસર અંત જોવા માંગે છે.

નિવેદનમાં એમ પણ કહેવામાં આવ્યું છે કે, ભારત હંમેશા માનતું રહ્યું છે કે, કોઈપણ વિવાદનો ઉકેલ શાંતિપૂર્ણ સંવાદ અને પરસ્પર સમજણ દ્વારા જ શક્ય છે.

અમેરિકા અને રશિયાના રાષ્ટ્રપતિઓ વચ્ચે ગઈકાલે અલાસ્કામાં લગભગ ત્રણ કલાક ચાલેલી બેઠકમાં ઘણા મુદ્દાઓ પર સંમતિ સધાઈ છે. રશિયન રાષ્ટ્રપતિએ, આ યુદ્ધના મૂળ કારણો પર ભાર મૂક્યો છે અને તેમના ઉકેલ પર ભાર મૂક્યો છે.

અમેરિકન રાષ્ટ્રપતિ પણ ઘણા મુદ્દાઓ પર સંમત થયા છે. ટ્રમ્પ સોમવારે યુક્રેનના રાષ્ટ્રપતિ જેલેન્સકીને મળશે, ત્યારબાદ રશિયા અને યુક્રેન વચ્ચે શાંતિ કરારની વધુ રૂપરેખા જાણી શકાશે.

હિન્દુસ્થાન સમાચાર / સુશીલ કુમાર / સચિન બુધૌલિયા

હિન્દુસ્થાન સમાચાર / ડો.હિતેશ એન.વ્યાસ