ભુજ – કચ્છ, 17 ઓગસ્ટ (હિ.સ.) સામાન્ય રીતે વર્ષો થી આપણે જોતા આવ્યા છીએ કે, રાષ્ટ્રીય પર્વમાં ધ્વજવંદન રાજકીય નેતાઓ, ઉચ્ચઅધિકારીઓ અને સ્કૂલ સંચાલકો દ્વારા ધ્વજ વંદન થતું હોય છે પરંતુ ભુજમાં એક એવી પણ બી.એલ.બી. સંચાલિત શ્રીમતી હંસાબેન પોપટલાલ ઠક્કર ઈંગ્લીશ મીડીયમ સ્કૂલ છે જ્યાં દર 15મી ઓગસ્ટના દિવસે વિધાર્થીઓના વાલીને ધ્વજવંદન કરવાની તક મળે છે.

વિદ્યાર્થીઓમાં અલગ જિજ્ઞાસા ઉભી કરવાનો હેતુ

સ્કુલ માં ઉપસ્થિતિ રહેતા વાલીઓ બોક્સમાં પોતાના નામની ચીઠ્ઠી નાખે છે ત્યારબાદ ડ્રો દ્વારા કરવામાં આવે છે જે વાલીના નામની ચીઠ્ઠી નિકળી તે વાલીના હસ્તે ધ્વજવંદન કરવામાં આવે છે. આ વખતે શ્રીમતી મનિષાબેન ઠક્કરનું નામ નિકળતા તેમના હસ્તે, ફ્લેગ હોસ્ટીંગ કરવામાં આવ્યું હતું. આવું કરવા પાછળનું કારણ જણાવતાં સ્કૂલના ચેરમેન લલિત કોટકે જણાવ્યું હતું કે, આ રીતે ધ્વજવંદન કરવા પાછળનું કારણ માત્ર એટલું જ છે કે સ્કૂલમાં અભ્યાસ કરતા વિધાર્થીઓમાં એક અલગ જ જીજ્ઞાસા સાથે ખુશી સંદેશ અને દેશ ભક્તિ ના વાતાવરણ ને તેમના વાલી ને પણ રાષ્ટ્ર ભાવના જોડી દે છે.

વિદ્યાર્થીઓએ સાંસ્કૃતિક કાર્યક્રમ રજૂ કર્યો

આ રાષ્ટ્રીય તહેવારનું વિશેષ મહત્વ હોઈ અલગ અલગ વિધાર્થીઓએ જુદા જુદા મનોરંજન કાર્યક્રમ પ્રસ્તુત કર્યા હતા. તેમજ સ્કૂલના જે જે વિદ્યાર્થીઓ એ રમત ગમત અને સંગીત તેત્રે સિધ્ધી મેળવેલ તેમનું સન્માન સમારોહના મુખ્ય અતિથિ ભરતભાઈ એચ. ઠક્કર ના હસ્તે કરવામાં આવ્યું હતું. આ પ્રસંગે શાળા કમીટીના સભ્યો ધીરૂભાઈ ઠક્કર, રશ્મીભાઈ ઠક્કર, શ્રીમતી ગોદાવરીબેન ઠક્કર ડો. દશાબેન ગોર અને શ્રીમતી તેજલબેન તન્ના હાજર રહ્યા હતા. કાર્યક્રમને સફળ બનાવવા શાળા આચાર્યા પૂજાબેન ઠક્કર સાથે સમગ્ર ટીમે જહેમત ઉઠાવી હતી.

હિન્દુસ્થાન સમાચાર / BHAVIN KAILASHCHANDRA VORA