મહેસાણા, 1 સપ્ટેમ્બર (હિ.સ.)
ખેરાલુ ખાતે મા અંબાના દર્શને પગપાળા જતા પદયાત્રીઓ માટે ગુજરાત ક્ષત્રિય ઠાકોર સેના, મહેસાણા જિલ્લા દ્વારા વિશાળ સેવા કેમ્પનું આયોજન કરવામાં આવ્યું. આ સેવા કેમ્પમાં હજારો પદયાત્રીઓને તાજા પાણી, નાસ્તો, ભોજન, આરામ માટેની સુવિધા તથા તબીબી સારવાર જેવી સુવિધાઓ પૂરી પાડવામાં આવી. પદયાત્રીઓની સુવિધા માટે સેના દ્વારા યુવા કાર્યકરો સતત સેવા કાર્યમાં તત્પર રહ્યા.
આ સેવા કેમ્પની મુલાકાત રાજ્યના કેબિનેટ મંત્રીએ લીધી અને સેવાભાવી કાર્ય માટે ઠાકોર સેના તેમજ યુવા કાર્યકરોની પ્રશંસા કરી. તેમણે જણાવ્યું કે આવા સેવા કાર્યોથી પદયાત્રીઓને માત્ર સુવિધા જ નહીં પરંતુ ધાર્મિક ભાવનામાં પણ નવી ઉર્જાનો સંચાર થાય છે. મંત્રીએ યુવા પેઢીને આવા સામાજિક અને ધાર્મિક કાર્યોમાં વધુ સક્રિય થવા માટે પ્રોત્સાહિત કર્યા.
કેમ્પમાં સ્થાનિક લોકો સાથે સાથે અનેક ગામોના ભક્તજનો પણ જોડાયા હતા. આ અવસર પર ઠાકોર સેના મહેસાણા જિલ્લાના આગેવાનો અને કાર્યકરો ઉપસ્થિત રહી પદયાત્રીઓને શ્રદ્ધાભાવે સેવા આપી.
આ રીતે ખેરાલુ ખાતે યોજાયેલ સેવા કેમ્પ ધાર્મિક ભક્તિ અને સામાજિક સેવાનો ઉત્તમ સમન્વય બની રહ્યો.
---------------
હિન્દુસ્થાન સમાચાર / RINKU AMITKUMAR THAKOR
