અમરેલી , 2 સપ્ટેમ્બર (હિ.સ.) અમરેલી જિલ્લાના કાનૂની વ્યવસ્થામાં મહત્વપૂર્ણ કામગીરી કરતાં એલ.સી.બી. પોલીસ દળે એક વધુ સફળતા મેળવી છે. નામદાર કોર્ટ દ્વારા સજા વોરંટ બહાર પાડવામાં આવ્યા બાદ લાંબા સમયથી નાસતા ફરતા આરોપી રમેશ માટીયાને એલ.સી.બી.એ હ્યુમન ઇન્ટેલિજન્સ અને ટેક્નિકલ સર્વેલન્સના આધારે શોધખોળ કરી ઝડપ્યો.

સૂત્રોના જણાવ્યા મુજબ, આરોપી નાસી છૂટી કાયદાથી બચવા માટે સતત સ્થળ બદલી રહ્યો હતો. પોલીસે સતર્કતા સાથે તપાસ હાથ ધરી ટેક્નિકલ સાધનો તથા માનવ સૂત્રોના આધારે તેની ચોક્કસ હિલચાલ અંગે માહિતી મેળવી. અંતે ખાસ રણનીતિ અપનાવી આરોપીને કાબૂમાં લેવામાં આવ્યો.

આરોપી વિરુદ્ધ કોર્ટ દ્વારા જાહેર કરવામાં આવેલા સજા વોરંટને આધારે આગળની કાર્યવાહી હાથ ધરવામાં આવશે. એલ.સી.બી.ની આ કામગીરીને કારણે ગુનાહિત પ્રવૃત્તિઓ પર કડક નિયંત્રણ જળવાશે તેમજ નાસતા ફરતા આરોપીઓને ચેતવણી મળશે કે કાયદાના હાથ લાંબા છે.

જિલ્લા પોલીસ તંત્રએ સ્પષ્ટ કર્યું છે કે આવનારા દિવસોમાં પણ આવા ગુનાહિત તત્વો સામે કાયદેસરની કડક કાર્યવાહી કરવામાં આવશે. આ સફળ કામગીરીથી અમરેલી પોલીસના વિશ્વાસમાં વધારો થયો છે.

---------------

હિન્દુસ્થાન સમાચાર / Gondaliya Abhishek Nandrambhai