નવી દિલ્હી, ૦2 સપ્ટેમ્બર

(હિ.સ.) ભારત ફરી એકવાર બેડમિન્ટનની દુનિયામાં એક મોટું સન્માન મેળવવા જઈ રહ્યું

છે. બીડ્બ્લ્યુંએફ વર્લ્ડ બેડમિન્ટન

ચેમ્પિયનશિપ 2026 નવી દિલ્હીમાં

યોજાશે. પેરિસમાં ચાલી રહેલી વર્લ્ડ ચેમ્પિયનશિપના સમાપન સમારોહ દરમિયાન આ જાહેરાત

કરવામાં આવી હતી.

આ પ્રસંગે, ભારતની સ્ટાર ડબલ્સ જોડી સાત્વિકસાઈરાજ રંકીરેડ્ડી અને

ચિરાગ શેટ્ટીએ બ્રોન્ઝ મેડલ જીત્યો, જે વર્લ્ડ ચેમ્પિયનશિપમાં તેમની બીજી મેડલ સિદ્ધિ છે.

બેડમિન્ટન એસોસિએશન ઓફ ઈન્ડિયાના જનરલ સેક્રેટરી સંજય

મિશ્રાએ જણાવ્યું હતું કે,

ભારતને આ યજમાનપદ સોંપવા બદલ અમે બીડ્બ્લ્યુંએફનો આભાર વ્યક્ત કરીએ છીએ. અમે

ખાતરી આપીએ છીએ કે, ભારત પણ પેરિસની જેમ જ શ્રેષ્ઠતા અને ભવ્યતાને આગળ ધપાવશે. અમે

સમગ્ર બેડમિન્ટન પરિવારનું દિલ્હીમાં સ્વાગત કરવા આતુર છીએ.

વર્લ્ડ ચેમ્પિયનશિપમાં ભારતનું પ્રદર્શન-

અત્યાર સુધી ભારતે વર્લ્ડ બેડમિન્ટન ચેમ્પિયનશિપમાં 15 મેડલ જીત્યા છે.

આમાંથી, પાંચ મેડલ એકલા પીવી સિંધુએ જીત્યા છે - 1 ગોલ્ડ, 2 સિલ્વર અને 2 બ્રોન્ઝ.

ઓલિમ્પિક મેડલ વિજેતા સાઇના નેહવાલે, 2 બ્રોન્ઝ મેડલ

જીત્યા છે.

કિદામ્બી શ્રીકાંતે 2021 માં સિલ્વર મેડલ જીત્યો હતો, જ્યારે સાઈ પ્રણીત, લક્ષ્ય સેન અને

એચએસ પ્રણયે તાજેતરના વર્ષોમાં બ્રોન્ઝ મેડલ જીત્યા છે.

આ સ્પર્ધામાં ભારતનો પહેલો મેડલ 1983 માં, પ્રકાશ

પાદુકોણે દ્વારા કોપનહેગનમાં બ્રોન્ઝ જીતીને ખોલવામાં આવ્યો હતો.

તે જ સમયે, જ્વાલા ગુટ્ટા અને અશ્વિની પોનપ્પાએ 2011 માં મહિલા ડબલ્સ

કેટેગરીમાં બ્રોન્ઝ મેડલ જીત્યો હતો.

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / ડો.હિતેશ એન.વ્યાસ