નવી દિલ્હી, 4 સપ્ટેમ્બર (હિ.સ.) બુધવારે રાત્રે (ભારતીય સમય મુજબ

ગુરુવાર) ત્રિનિદાદમાં રમાયેલી મેચમાં, સેન્ટ લુસિયા કિંગ્સે 53 બોલ બાકી રહેતાં ટ્રિનિબાગો નાઈટ રાઈડર્સને 7 વિકેટથી

હરાવ્યું. આ જીત સાથે, કિંગ્સ નાઈટ

રાઈડર્સ પછી સીપીએલ 2025 પ્લેઓફ માટે

ક્વોલિફાય થનારી બીજી ટીમ બની.

તેમના સ્પિન બોલરોએ, કિંગ્સની જીતમાં મહત્વપૂર્ણ ભૂમિકા

ભજવી હતી. તબરેઝ શમ્સીએ શાનદાર બોલિંગ કરી અને 3 વિકેટ લીધી, જ્યારે ખારી પિયર અને રોસ્ટન ચેઝે 2-2 વિકેટ લઈને,

વિરોધી બેટ્સમેનોની કમર તોડી નાખી.

મેચમાં ટોસ જીતીને પ્રથમ બેટિંગ કરવા ઉતરેલા નાઈટ રાઈડર્સની

શરૂઆત, ખૂબ જ ખરાબ રહી. બીજા બોલ પર જ કોલિન મુનરો પિયરનો શિકાર બન્યો. ડેરેન

બ્રાવોએ, કેટલાક મોટા શોટ ફટકાર્યા પરંતુ ટૂંક સમયમાં આઉટ થઈ ગયા. નિકોલસ પૂરને

નસીબનો સાથ લેતા શરૂઆતમાં બચાવ મેળવ્યો અને પછી સતત બે છગ્ગા ફટકાર્યા, પરંતુ ટીકેઆરનો

પતન ચાલુ રહ્યો. એલેક્સ હેલ્સ પાવરપ્લેના છેલ્લા બોલ પર આઉટ થયો અને 6 ઓવરના અંતે ટીમે

3 વિકેટ ગુમાવી

દીધી.

આ પછી, શમ્સી આવતાની સાથે જ, તેણે પહેલા જ બોલ પર અકીલ હુસૈનને પેવેલિયન મોકલી દીધો.

પૂરન પણ વધુ સમય ટકી શક્યો નહીં અને ચેઝના બોલ પર વિકેટકીપર દ્વારા કેચ થઈ ગયો.

શમ્સીએ આન્દ્રે રસેલને બોલ્ડ કરીને નાઈટ રાઇડર્સની આશાઓને મોટો ફટકો આપ્યો.

પોલાર્ડ પણ શમ્સીનો શિકાર બન્યો. અંતે, ટેરેન્સ હાઈન્ડ્સ અને નાથન એડવર્ડ્સે ટીમને 100 રનની પાર

પહોંચાડી પરંતુ પોટગીટર અને અલ્ઝારી જોસેફે છેલ્લા ફટકા આપ્યા અને આખી ટીમ 109 પર પડી ગઈ.

લક્ષ્યનો પીછો કરતી વખતે, ટિમ સીફર્ટે શાનદાર શરૂઆત કરી. તેણે પહેલી જ

ઓવરમાં 14 રન ફટકાર્યા અને

ઝડપથી રન બનાવ્યા. જોહ્ન્સન ચાર્લ્સ શરૂઆતમાં આઉટ થઈ ગયા, પરંતુ સેફર્ટ અને

અકીમ ઓગસ્ટે 40 રનની ભાગીદારી

નોંધાવી. ઓગસ્ટે રસેલના બોલને જોરદાર ફટકાર્યા અને 20 રન લૂંટી લીધા. સેફર્ટ 36 રન બનાવ્યા પછી

આઉટ થયો જ્યારે ઓગસ્ટે પણ 28 રનની ઝડપી ઇનિંગ

રમી.

અંતે, રોસ્ટન ચેઝ અને ડેવિડ વીજે, ટીમને સરળતાથી

લક્ષ્ય સુધી પહોંચાડી.

સંક્ષિપ્ત સ્કોરકાર્ડ: ત્રિનબાગો નાઈટ રાઇડર્સ - 109/10 (18.1 ઓવર) (નિકોલસ

પૂરન 30, નાથન એડવર્ડ્સ 17,તબરેઝ શમસી 3/12, રોસ્ટન ચેઝ 2/19)

સેન્ટ લુસિયા કિંગ્સ - 112/3 (11.1 ઓવર) (ટિમ સીફર્ટ 36, અકીમ ઓગસ્ટે 28,સુનીલ નારાયણ 2/28, ઉસ્માન તારિક 1/26)

પરિણામ: સેન્ટ લુસિયા કિંગ્સ 7 વિકેટથી જીત

મેળવે છે.

હિન્દુસ્થાન સમાચાર / સુનીલ દુબે

હિન્દુસ્થાન સમાચાર / માધવી વ્યાસ